مودی حکومت کی الٹی گنتی شروع : کیجریوال

 نئی دہلی//عام آدمی  پارٹی کے سربراہ اور دہلی کے وزیر اعلی اروند کیجریوال نے کہا ہے کہ مودی حکومت  کی  الٹی گنتی شروع ہوگئی ہے۔پانچ ریاستوں میں اسمبلی انتخابات کے نتائج  پر ردعمل ظاہر کرتے ہوئے  مسٹر  کیجریوال نے منگل کو ٹویٹ کیا، ’’مودی حکومت کی الٹی  گنتی شروع  ہوگئی‘‘۔ بایاں محاذ نے پانچ ریاستوں میں عوام کی طرف سے بی جے پی کو مسترد  کئے جانے کا خیر مقدم کرتے ہوئے کہا ہے کہ ان ریاستوں کے انتخابات کے نتائج اس بات کا ثبوت ہیں  کہ عوام نے وزیر اعظم نریندر مودی کے آمرانہ رویہ اور غرور  کے خلاف فیصلہ سنایا ہے اور معاشرے کی فرقہ وارانہ صف بندی  کی  مخالفت کی  ہے۔  مارکسی کمیونسٹ پارٹی اور ہندوستانی  کمیونسٹ پارٹی نے انتخابات کے رجحانات کے بعد یہاں ایک بیان میں کہا ہے کہ بی جے پی نے اقلیتوں اور دلتوں پر جس طرح سے حملے شروع کئے اور نفرت اور تشدد کا ماحول بنایا اس  پرعوام میں  غصہ بڑھا۔بی جے پی کے ناراض رہنما شتروگھن  سنہا نے ٹویٹ  کرکے کہا کہ جو لوگ ہار گئے  ہیں، یہ ان کے  غرور خراب کارکردگی اور بہت زیادہ عزائم رکھنے کا نتیجہ ہے۔ انتخابات میں کہیں خوشی کہیں غم ہے۔ سچ کی  جیت ہوئی ہے۔  بی جے پی کا نام لینے کے بغیر کہا ’’ ان کو  جلد ہی عقل ا?ئے گی۔  جمہوریت زندہ باد ہے۔یو این آئی