عظمیٰ نیوز سروس
نئی دہلی//وزیر اعظم نریندر مودی اور امریکی صدر جو بائیڈن جمعرات کو قومی دارالحکومت میں جمعہ سے شروع ہونے والے جی 20 سربراہی اجلاس سے پہلے دو طرفہ میٹنگ کے لیے بیٹھ گئے۔وزیر اعظم مودی کی سرکاری رہائش گاہ نئی دہلی میں لوک کلیان مارگ میں جاری بات چیت میں وسیع مسائل کا احاطہ کیا گیا اور دو طرفہ تعلقات کو گہرا کرنے پر توجہ مرکوز کی گئی۔دونوں رہنمائوں کے درمیان دو طرفہ ملاقات جون میں پی ایم مودی کے امریکہ کے پہلے سرکاری دورے کے بعد ہوئی۔امریکی قومی سلامتی کے مشیر جیک سلیوان نے رائٹرز کی رپورٹ میں کہا کہ دو طرفہ ملاقات میں جی ای جیٹ انجن ڈیل اور سول نیوکلیئر ٹیکنالوجی پر بامعنی پیش رفت دیکھنے کی امید ہے۔صدر بائیڈن کابطور صدر ان کا پہلا ہندوستان کا دورہ ہے۔امریکی صدر نے نئی دہلی پہنچنے پر کہاکہ (ہیلو، دہلی)اس سال کے G20 کے لیے ہندوستان میں آنا بہت اچھا ہے۔بائیڈن نے چندریان 3 کی کامیابی کے لیے پی ایم مودی، اسرو کو مبارکباد دی۔ امریکی صدر جو بائیڈن نے خلائی تحقیق میں ہندوستان کی حالیہ کامیابیوں کا اعتراف کرنے کے لیے ایک لمحہ نکالا۔ انہوں نے وزیراعظم نریندر مودی اور انڈین اسپیس ریسرچ آرگنائزیشن (اسرو) کے سائنسدانوں کو چندریان-3 چاند مشن اور حالیہ آدتیہ-ایل1 سورج مشن کے لیے مبارکباد دی۔
