منگنی سے ناخوش لڑکی نے زندگی کا خاتمہ کیا

جموں//پولیس نے بتایا کہ نروال کے علاقے میں ایک 20 سالہ خاتون نے ہفتے کے روز خودکشی کرلی ، جب اس کی اپنی خواہش کے خلاف مبینہ طور پر ایک شخص سے منگنی کی گئی۔ انہوں نے بتایا کہ قاسم نگر محل کی رہائشی روبیکا نے توی کے اوپر گوجر نگر پل سے چھلانگ لگائی اور تقریبا 90 میٹر نیچے خشک دریا بستر سے ٹکرا گئی۔اسے فوری طور پر گورنمنٹ میڈیکل کالج (جی ایم سی) اسپتال لایا گیا جہاں ڈاکٹروں نے اسے مردہ حالت میں لانے کا اعلان کیا۔ایک پولیس عہدیدار نے بتایا کہ اس معاملے میں ایک مقدمہ درج کرلیا گیا ہے اور اس کی طرف سے اس طرح کے انتہائی اقدام اٹھانے کے پیچھے کیا مقصد ہے ،اس کی مزید تفتیش جاری ہے۔ابتدائی تفتیش کے حوالے سے عہدیدار نے بتایا کہ خاتون کچھ دن قبل اپنی منگنی پر مبینہ طور پر ناخوش تھی۔پولیس نے مزید بتایا کہ قانونی رسمی کارروائیوں کو مکمل کرنے کے بعد نعش خاتون کے اہل خانہ کے حوالے کردی جائے گی۔