حسین محتشم
پونچھ//محکمہ یوتھ سروسز اینڈ اسپورٹس زون منڈی نے 29مئی2025 کو BSF گراؤنڈ منڈی میں انٹر اسکول زونل سطح کے مقابلوں کا آغاز کیا تھا۔اس سلسلہ کی اختتامی تقریب جمعہ کو منعقد ہوئی جس میں مہمان خصوصی کی حیثیت سے ممبر لیجسلیٹیو اسمبلی حویلی پونچھ اعجاز احمد جان نہ شرکت کی جبکہ مہمان اعزازی شام لال اسٹیشن ہاؤس آفیسر منڈی تھے۔ انہوں نے کھیلوں اور کھیلوں کے اغراض و مقاصد اور جسمانی تندرستی پر ایک تحریکی تقریر کی اور مستقبل کی کوششوں کے لئے طلباء کے لئے نیک خواہشات کا اظہار کیا۔ اس ٹورنامنٹ میں 640 طلباء نے بالترتیب انڈر 14 سال اور انڈر 17 سال کیٹیگریز میں حصہ لیا جن میں کبڈی، بیڈمنٹن، کھو کھو، والی بال، شطرنج اور ایتھلیٹکس ایونٹس شامل ہیں۔ ایم ایل اے اعجاز احمد جان نے محکمہ یوتھ سروسز اینڈ سپورٹس کے کام کی تعریف کی اور انہیں مبارکباد دی اور نیک خواہشات کا اظہار کرتے ہوئے کہا کہ طلباء کے لئے ہر ممکن کوشش کی جانی چاہئے تاکہ وہ کھیل کھیل سکیں۔ جان نے کہا کہ کھیل ایک ایسا ایونٹ ہے جو طلباء کو ہر بری چیز سے روکتا ہے، خاص طور پر ملک دشمن سرگرمیوں اور منشیات سے۔ ایک طالب علم جو کھیل کھیلتا ہے وہ کبھی کچھ غلط نہیں کر سکتا اور وہ جسمانی اور ذہنی طور پر فٹ رہتا ہے۔ اختتامی تقریب کے موقع پر زونل فزیکل ایجوکیشن آفیسر منڈی ایس راجندر سنگھ نے ایم ایل اے حویلی پونچھ اور ایس ایچ او منڈی کا شکریہ ادا کیا کہ انہوں نے طلباء کی حوصلہ افزائی کے لئے اپنا قیمتی وقت نکالا۔ امتیاز احمد لون سٹیج سیکریٹری نے اس دوران نظامت کے فرائض انجام دئیے۔زون منڈی کے فیلڈ سٹاف پرویز احمد پی ای ایل، نریندر سنگھ پی ای ایم، سنیل رائنا پی ای ٹی، سرون کمار پی ای ٹی، تنویر احمد آر ای کے، وقاص احمد آر ای کے، محمد اقبال آر ای کے، مزمل سلطان آر ای کے، معین اختر آر ای کے، رخسار احمد آر ای کے، فرحانہ بتول آر ای کے، شاہ محمود آر ای کے، ایم ڈی اے آر ای کے، احمد آر ای کے، فاروق احمد آر ای کے، عمر فاروق آر ای کے، رنجیت کور جی ایم، شبینہ پروین این وائی سی اور محمد رفیق این وائی سی اور جنرل لائن ٹیچز بھی اس موقع پر موجود تھے۔
