صحنِ رسولِ پاکؐ کی کچنار ہیں حسین
باغِ علی کے گل بھی ہیں گلزار ہیں حسین
رتبہ علی کے لعل کا تو دیکھ لے جناب
جنت میں ہر جوان کے سردار ہیں حسین
سجدے میں سر رسولؐ کا اس طرح دیکھ کر
پشتِ نبی ؐپہ بیٹھ کے سرشار ہیں حسین
مشرق ہو یا شمال ہو ، مغرب ہو یا جنوب
ہر سمت ہی سے صاحبِ کردار ہیں حسین
موجوں میں اضطراب ہے دریا ہے فکر میں
دینِ نبی کے عشق میں سرشار ہیں حسین
والد علیؓ اسد ہیں تو نانا رسولؐ ہیں
ہرگز نہ کوئی سمجھے کہ نادار ہیں حسین
قرآن کہہ رہا ہے تو مردہ نہ کہہ انھیں
زندہ ہیں با حیات ہیں ضوبار ہیں حسین ہیں
یہ تو کرم ہے سیدِّ ابرار کا سعیدؔ
ہر غمزدہ کے واسطے غمخوار ہیں حسین
سعیدؔ قادری
صاحب گنج مظفرپور بہار
موبائل نمبر؛9199533834
