منقبت

طیبہ و طاہرہ سیدہ عائشہؓ

زوجہ مصطفیٰؐ سیدہ عائشہؓ

زاہدہ و عابدہ سیدہ عائشہؓ

چاہتِ مصطفیٰؐ سیدہ عائشہؓ

نقش مہر و وفا سیدہ عائشہؓ

نازِ صدق و صفا سیدہ عائشہؓ

جان صدیق اکبرؓکی ہیں بے گماں

کون ہے باپ سا سیدہ عائشہؓ

ہے بڑا مرتبہ اور مقام آپ کا

آپ ہیں صادقہ سیدہ عائشہؓ

راویہ آپ سچی حدیثوں کی ہیں

کون ہے آپ سا سیدہ عائشہؓ

بنت صدیقؓ آرامِ جان نبیؐ

خلق کی انتہا سیدہ عائشہؓ

جانِ ارشد نثار آپ کے وصف پر

صابرہ شاکرہ سیدہ عائشہؓ

محمد ارشد خان رضوی فیروزآبادی

ملک و جہان کی خبروں سے رہیں اپڈیٹ