سرینگر//پولیس نے سرینگر میں لوگوںکے ساتھ بہتر تال میل قائم رکھنے کی غرض سے پولیس اسٹیشن نگین اور پولیس اسٹیشن لالبازار میں پو لیس کمنٹی پارٹنر شپ گروپ (پی سی پی جی)میٹنگوں کا انعقادکیا ۔ ایس ایچ او نگین منظور احمد کی صدارت میں پولیس اسٹیشن نگین میں میٹنگ کا انعقاد کیا گیا۔ جس میں علاقے کے ذی عزت شہریوں کے علاوہ حضر تبل ویلفیئر سو سائٹی اور شاپ کیپرس ایسوسیشن سے وابستہ لوگوں نے شرکت کر کے اپنے اپنے مسائل اُجاگر کئے ۔ایس ایچ او نے لوگوں کے مسائل کافی دلچسپی سے سُنے اور انہیں یقین دلایا کہ ان کے مسائل کو متعلقہ محکموں تک پہنچا یا جائے گا ۔میٹنگ میں منشیات ،قمار بازی و دیگر جرائم کے بارے میں بھی بات چیت ہوئی اور لوگوں نے پولیس کی جانب سے منشیات،قمار بازی و دیگر جرائم کے خلاف اٹھائے گئے اقدامات کی سراہنا کی۔پولیس اسٹیشن لالبازارمیں بھی ایس ایچ او ریاض احمد خان کی صدارت میں میٹنگ کا انعقادکیا ۔میٹنگ میں ذی عزت شہریوں نے اپنے اپنے علاقوںکے مسائل اجاگر کئے۔
منشیات ،قمار بازی اور دیگر جرائم کی روکتھام
