ممبئی میں کسانوں کا زبردست احتجاج

ممبئی// مہاراشٹر کے ناسک ضلع سے گزشتہ پانچ دنوں سے 180 کلومیٹر تک پیدل مارچ کرنے کے بعد ممبئی کی راجدھانی شہر میں کم ازکم 35 ہزار کسان موجود ہیں جو حکومت کے خلاف زبردست احتجاج کررہے ہیں۔وہ تھانے۔ممبئی سرحد پر مسلسل مہم کررہے ہیںاور ظہرانے کے بعد سیون میں کے جے سومیا گراؤنڈ پہنچے ۔ ٹریفک پولیس نے کہاہے کہ انہوںنے تیاری کی ہے اور شہر میں جام سے بچنے کیلئے ایک ٹریفک ایڈوائزری جاری کردی ہے۔ احتجاجی مقام پر سیکورٹی کے سخت انتظامات کئے گئے ہیں۔ آل انڈیا کسان سبھا(اے آئی کے ایس) کی قیادت میں قبائلی کاشت کاروں سمیت کسان دستہ نے مکمل قرض معافی اور کسانوں کے آدیواسی زمین کی منتقلی کے مطالبے کیلئے کل ودھان سبھا کاگھیراؤ کرنے کا منصوبہ بنایا ہے جو برسوں سے لٹکا ہوا ہے۔ بڑی تعداد میں آدیواسیوں نے تحریک میں شمولیت کی ہے ۔کسانوںکا کہنا ہے کہ یہ زندگی اور موت کا معاملہ ہے۔