عظمیٰ نیوز سروس
ڈوڈہ/جموں// پولیس سربراہ آر آر سوین نے ہفتہ کو کہاکہ سرحد پار سے دشمن غیر ملکی کرائے کے فوجیوں کو جموں و کشمیر میں دہشت گردی کو برقرار رکھنے کے لیے لوگوں میں خوف کی نفسیات پیدا کرنے کے لیے استعمال کر رہا ہے۔ پولیس ڈائریکٹر جنرل نے زور دے کر کہا کہ ان کی فورس دیگر سیکورٹی ایجنسیوں کے ساتھ مل کر مرکز کے زیر انتظام علاقے میں دہشت گردی کو ختم کرنے کے لیے پرعزم ہے۔ضلع کے گندوہ علاقے میں حال ہی میں انسداد دہشت گردی آپریشن کے دوران 7 اسپیشل پولیس افسران (ایس پی اوز) کو ان کی مثالی بہادری پر کانسٹیبل کے طور پر ترقی دینے کے بعد ڈوڈہ میں صحافیوں سے بات کرتے ہوئے، پولیس سربراہ نے کہا کہ لوگ سیکورٹی ایجنسیوں کے ساتھ مکمل تعاون کر رہے ہیں اور یہ اب وقت کی بات ہے جب دہشت گردوں کا خاتمہ شروع ہو جائے گا۔26 جون کو ڈوڈہ ضلع کے گندوہ علاقے میں تین غیر ملکی ملی ٹینٹ مارے گئے تھے۔ یہ گندوہ میں ایک دہائی سے زیادہ عرصے میں پہلا انکائونٹر تھا۔پاکستان کا نام لیے بغیر، سوین نے کہا، “ہمارے مخالف اور دشمن نے یہ سوچتے ہوئے ایک چیلنج پیش کیا ہے کہ یہ ایک سرحدی علاقہ ہے اور وہ اس کا فائدہ اٹھا کر غیر ملکی ملی ٹینٹوں کو (لوگوں میں)خوف پیدا کر کے ملی ٹینسی کو بحال کرنے پر مجبور کر سکتے ہیں۔
انہوں نے کہا کہ “وہ (غیر ملکی ملی ٹینٹ)بڑی تعداد میں نہیں ہیں اور ہم ان کو شکست دینے کے لیے پوری طرح پرعزم ہیں، جیسا کہ ہم نے ماضی میں کیا ہے، افواج کی مدد اور عوام کے تعاون سے”۔ڈی جی پی نے کہا کہ غیر ملکی ملی ٹینٹ کسی سے تعلق نہیں رکھتے اور وہ بھی قانون کے دائرے میں نہیں آتے۔ڈی جی پی نے کہا”وہ بڑے پیمانے پر قتل عام میں ملوث ہیں، پیسے دیے بغیر بھیڑ بکریاں لے رہے ہیں اور ان کا مقصد خوف پیدا کرنا اور عوام کو تسلیم کرنے پر مجبور کرنا اور پریشانی پیدا کرنا ہے۔ لیکن یہ حاصل نہیں کیا جا سکتا کیونکہ لوگ ہمارے ساتھ ہیں اور ہم ان کا مقابلہ کریں گے، “۔ انہوں نے مزید کہا”پولیس اور اس کے سیکورٹی پارٹنرز گائوں کے دفاعی محافظوں، ایس پی اوز اور عام لوگوں کے فعال تعاون سے ملی ٹینٹوں کو شکست دینے کے لیے پوری طرح پرعزم ہیں،یہ صرف وقت کا سوال ہے جب وہ مارے جانے لگیں گے، اور وہ ختم ہونا شروع ہو جائیں گے‘‘۔ڈی جی پی نے کہا، “دہشت گردوں سے لڑنے کی پالیسی پہلے سے موجود ہے اور پرانی ہے لیکن ہم اسے ایک مختلف سطح پر لے جانا چاہتے ہیں، جیسا کہ جب دہشت گردوں کے خلاف عوام کی حفاظت کے لیے پولیس اہلکاروں کی جانب سے بہادری کا کوئی عمل ہوتا ہے، وہ عزت دی جائے گی جو ان کے حوصلے بڑھانے کا کام کرے گی‘‘۔
