یواین آئی
امپھال// مرکزی وزیر داخلہ امت شاہ نے پیر کو ہپتا کانگجی بنگ میں ایک جلسہ عام سے خطاب کرتے ہوئے کہا کہ منی پور اور پورا شمال مشرق اتنا اہم ہے کہ جب وہ ترقی کریں گے تو پورا ملک ترقی کرے گا۔ شاہ نے کہا کہ وزیر اعظم نریندر مودی شمال مشرق اور منی پور کے دوست ہیں۔ انہوں نے مودی کو تیسری بار وزیر اعظم منتخب کرنے اور منی پور کو بچانے کی اپیل کی۔ انہوں نے الزام لگایا کہ کانگریس ملک کو تقسیم کرنے میں لگی ہوئی ہے اور اس نے جنوبی اور شمالی ہندوستان کی سیاست شروع کردی ہے۔انہوں نے لوگوں کو 14 اپریل 1944 کا واقعہ یاد دلایا جب موئرنگ پر آئی این اے نے حملہ کیا تھا۔ جہاں پہلی بار ہندوستانی پرچم لہرایا گیا تھا۔ انہوں نے کہا کہ بی جے پی حکومت نے رام مندر کی تعمیر اور ملک میں امن قائم کرنے کے لئے علیحدگی پسند تحریک سے لڑنے کا اپنا وعدہ پورا کیا ہے۔ گزشتہ 10 سالوں میں 25 کروڑ لوگوں کو غربت کی لکیر سے اوپر اٹھایا گیا، 80 کروڑ لوگوں کو مفت کھانا دیا جا رہا ہے، 4 کروڑ لوگوں کو گھر دیے گئے، 14 کروڑ لوگوں کو نل کا پانی دیا گیا۔ شاہ نے کہا کہ حکومت نے مختلف عسکریت پسند تنظیموں کے ساتھ 10 معاہدوں پر دستخط کیے ہیں۔اور 9000 عسکریت پسندوں نے ہتھیار ڈال دیئے۔ وزیر اعظم 70 بار شمال مشرق کا دورہ کر چکے ہیں اور وزراء نے 700 بار خطے کا دورہ کیا ہے۔ انہوں نے کہا کہ چھوٹی ریاستیں ملک کی روح ہے۔ وزیر اعظم جواہر لعل نہرو نے آسام کو الوداع کہہ دیا تھا۔ کانگریس صدر ملکارجن کھڑگے چھوٹی ریاستوں کے لیے بہت کم احترام کرتے ہیں۔انہوں نے الزام لگایا کہ ایبوبی سنگھ کی 15 سالہ حکومت کے دوران ہر روز فرضی انکاؤنٹر کی وجہ سے منی پور ہنگامہ آرائی کا شکاررہا ہے۔ انہوں نے کہا کہ منی پور میں کوکی ناگا تنازعہ میں 750 لوگ مارے گئے ہیں، میتی پنگل تنازعہ میں 100 لوگ مارے گئے ہیں اور کوکی پائیتے تنازعہ میں 350 لوگ مارے گئے ہیں۔انہوں نے کہا کہ غیر قانونی تارکین وطن ریاست کی ڈیموگرافی کو تبدیل کرنے کی کوشش کر رہے ہیں اور اسے روکنے کے لیے ہندوستان۔ میانمار سرحد کو باڑ لگا کر محفوظ بنایا جائے گا۔ منشیات اور غیر قانونی تارکین وطن کی سرگرمیوں کو روکنے کے لیے آزادانہ نقل و حرکت کا نظام ہٹا دیا گیا ہے۔
