نئی دہلی// ملک میں کورونا وائرس کے کیسز مسلسل بڑھتے جا رہے ہیں اور گزشتہ 24 گھنٹوں کے دوران 1 ہزار429 نئے کیس سامنے آنے کے ساتھ ہی متاثرین کی تعداد 24 ہزار کے پار پہنچ گئی اور اس دوران اس وبا سے مزید57 افراد کی موت کے بعد ہلاک شدگان کی تعداد بڑھ کر 775 ہو گئی ہے۔ملک کی مختلف ریاستوں اور مرکز کے زیر انتظام علاقوں میں کورونا وائرس کے اب تک کل 24506 کیسزکی تصدیق ہوئی ہے جن میں 77 غیرملکی مریض بھی شامل ہیں۔ کورونا وائرس سے متاثر لوگوں کے صحت مند ہونے کی رفتار بھی تیز ہوئی ہے اور گزشتہ 24 گھنٹوں میں کورونا وائرس سے متاثر 314 لوگوں کے صحت مند ہونے کے ساتھ ایسے لوگوں کی تعداد 5063 تک پہنچ گئی ہے۔
ملک میں کورونا وائرس کے1 ہزار429 نئے کیس،متاثرین کی تعداد 24 ہزار سے متجاوز
