اقوام متحدہ //پاکستان کی نوبیل انعام یافتہ ملالہ یوسف زئی اقوام متحدہ کی 'میسنجر آف پیس' یعنی امن کی پیغامبر بنائی جا رہی ہیں۔اقوام متحدہ کے سیکریٹری جنرل انتونیو گوتیرس نے کہا 19 سالہ ملالہ یوسف زئی پیر سے اپنا کام سنبھالیں گی اور اپنے نئے کردار میں وہ دنیا بھر میں لڑکیوں کی تعلیم کے فروغ میں مدد کریں گی۔خیال رہے کہ ملالہ یوسف زئی امن کی پیغامبر کا عہدہ سنبھالنے والی اب تک کی سب سے کم عمر فرد ہیں جبکہ امن کا نوبیل انعام حاصل کرنے کے معاملے میں بھی وہ سب سے کم عمر ہیں۔خبررساں ادارے روئٹرز کے مطابق ملالہ یوسف زئی کو 'امن کے پیغامبر' کی ذمہ داری نیویارک میں اقوام متحدہ کے ہیڈ کوارز میں منعقدہ ایک تقریب کے دوران دی جائے گی۔یہ تقریب پیر کو ٹرسٹی شپ کونسل چیمبر میں منعقد ہوگی۔سیکریٹری جنرل نے ملالہ یوسف زئی کے انتخاب کے بارے میں کہا کہ ملالہ یوسف زئی نے سنگیں خطرات کے درمیان خواتین، لڑکیوں اور عام انسانوں کے حقوق کے لیے اپنے غیر متزلزل عہد پر قائم رہیں۔لڑکیوں کی تعلیم کے لیے ان کی ہمت نے دنیا بھر کے لوگوں پہلے ہی تحریک پھونک رکھی ہے۔ اور اب اقوام متحدہ کی سب سے کم عمر امن کی پیغامبر بن کر ملالہ انصاف پرور اور پر امن دنیا بنانے میں مزید کرادار ادا کریں گی۔ملالہ یوسف زئی 12 جولائی 1997 میں پاکستان کی سوات وادی میں پیدا ہوئیں۔ 2012 میں طالبان کی فائرنگ کی زد میں آنے کے بعد وہ دنیا بھر میں لڑکیوں کی تعلیم کے لیے جدو جہد کی علامت بن گئیں۔ حملے میں زندہ بچ جانے کے بعد وہ دنیا بھر میں لڑکیوں کی تعلیم کی وکیل بن گئیں۔ 2013 میں ملالہ اور ان کے والڈ ضیاء الدین یوسف زئی نے لڑکیوں میں بیداری پیدا کرنے کے لیے ملالہ فاؤنڈیشن قائم کیا۔ ملالہ یوسف زئی دس دسمبر 2014 میں دنیا کی سب سے کم سن نوبل امن انعام جیتنے والی شخصیت بن گئیں۔
ملالہ کے لیے نیا اعزازامن کا علمبردار
