سرینگر//معروف اُردو افسانہ نگار ڈاکٹر ترنم ریاض جمعرات کو دہلی میں انتقال کر گئیں۔ ترنم مرحوم پروفیسر ریاض پنجابی کی اہلیہ تھی۔
گھریلو ذرائع کے مطابق ترنم آج صبح نئی دہلی کے ایک اسپتال میں چل بسی۔ترنم چند روز قبل کورونا مثبت ظاہر ہونے کے بعد سے وینٹی لیٹر پرتھی۔
سرینگر میں جنم لینے والی ترنم اُردو کی معروف افسانہ نگار تھی اور آل انڈیا ریڈیو سے بھی وابستہ رہی ہیں۔اُنہیں 2014میں سارک لٹریچر ایوارڈ سے بھی نوازا گیا تھا۔ انہوں نے اُردو میں ماسٹرس کے بعد دانشگاہ کشمیر سے ایجو کیشن مضمون میں ڈاکٹریٹ کی ڈگری حاصل کی تھی۔مرحومہ نے کم و بیش دو درجن کتابیں یا تحریر کی ہیں یا ان کی ادارت انجام دی ہے۔
قابل ذکر ہے کہ مرحومہ کے شوہر پروفیسرریاض پنجابی کا انتقال گذشتہ ماہ کی8تاریخ کو دہلی میں ہی ہوا تھا۔
