معراج العالم کی اختتامی تقریب پر انتظامات بہم رکھیں: ساگر

 سرینگر//نیشنل کانفرنس کے جنرل سیکریٹری علی محمد ساگر نے انتظامیہ سے اپیل کی ہے کہ وہ معراج العام کی اختتامی تقریب کے سلسلے میں درگاہ حضرتبل میں زائرین کیلئے بغیر خلل بجلی، پینے کا پانی، صحت وصفائی اور صبح صادق سے رات گئے تک معقول ٹرانسپورٹ کا انتظام کرنے کے ساتھ ساتھ طبی سہولیات دستیاب رکھیں۔ انہوںنے کہاکہ آثار شریف شہری کلاش پورہ، جناب صاحب صورہ، لال بازار، پنجورہ شوپیان، اہم شریف بانڈی پورہ ، کعبہ مرگ، کھرم سرہامہ کے علاوہ جملہ خانقاہوں ، مساجد اور زیارت گاہوں میں مسیر رکھے جائیں۔ ساگر نے مسلم اوقاف ٹرسٹ کے اعلیٰ حکام سے بھی اپیل کی کہ وہ عقیدت مندوں کیلئے موثر اور مناسب اقدامات کریں۔