معراج العالم ؐکے پیش نظر درگاہ حضرتبل کیلئے روٹ پلان

 سرینگر//معراج العالم ﷺ اور جمعتہ الوداع کے موقعہ پر ٹریفک پولیس نے سرینگر میں ٹریفک پلان مرتب کرتے ہوئے ٹرانسپورٹروں کو اس پر عمل پیرا ہونے کی ہدایت دی ہے ۔ٹریفک پولیس نے 13اپریل کو معراج العالم ﷺ اور20اپریل کوجمعتہ الوداع کے سلسلے میں وادی کے اطراف و اکناف سے شہر میں داخل ہونی والی گاڑیوں کے لئے باضابطہ طور پر روٹ پلان ترتیب دیا ہے تاکہ عقیدتمندوں کے علاوہ عام شہریوں اور مسافروں کو مشکلات کا سامنا نہ کرنا پڑے اور ٹریفک جام سے بچا جاسکے۔

شمالی کشمیر سے درگاہ حضرتبل آنے والے عقیدتمندوں کی گاڑیوں کو شالہ ٹینگ سے پارمپورہ اور قمرواری سے گزر کر سیمنٹ برج اور نور باغ کا راستہ اختیارر کرنے کی ہدایت دی گئی ہے،جبکہ وہاں سے سکہ ڈافر،عیدگاہ،عالی مسجد،سازگری پورہ، حول،،علمگری بازار سے مل اسٹاپ اور مولوی اسٹاپ لال بازار سے ہوتے ہوئے بٹہ شاہ محلہ اور کنہ تار سے ہوتے ہوئے سر سید گیٹ کشمیر یونیورسٹی سے داخل ہوکر گاڑیوں کو کھڑا کرنے کی ہدایت دی گئی۔ واپسی پر ان گاڑیوں کو عشائی باغ کراسنگ سے ہوتے ہوئے رعناواری،خانیار،نوپورہ،ڈلگیٹ،مولانا آزاد روڑ سے ہوتے ہوئے بڈشاہ پل، فلائی اوور،بٹہ مالو،مومن آباد،ٹینگہ پورہ سے گزر کر بمنہ بائی پاس ،پارمپورہ اور شالہ ٹینگ سے آگے کا راستہ اختیار کرنے کی ہدایت دی گئی۔

جنوبی کشمیر سے آنی والی گاڑیوں کیلئے جو روٹ پلان مرتب کیا گیا ہے اس کی رو سے انہیں پانتہ چھوک،اتھوجن،بٹوارہ،سونہ وار،رام منشی باغ سے ہوتے ہوئے گپکار،گرینڈ پیلس کا راستہ اختیار کرنے اور بعد میںزیٹھ یار گھاٹ،نشاط،فور شور روڑ سے ہوتے ہوئے حبک کراسنگ پہنچ کر نسیم باغ میں گاڑیاں کھڑی کرنے کی ہدایت دی گئی ہے۔روٹ پلان کے مطابق زائرین سے بھری ان گاڑیوں کو واپسی پر نسیم باغ،حبک کراسنگ،فور شور روڑ،نشاط سے ہوتے ہوئے زیٹھ یار گھاٹ،گپکار روڑ،رام منشی باغ سے گزر کر سونہ وار،بٹوارہ اور پانتہچھوک کا راستہ اختیار کرنے کی ہدایت دی گئی۔

بڈگام سے اور اس کے نواحی علاقوں سے درگاہ حضرت بل جانے والی گاڑیوں کو حیدر پورہ سے ہوتے ہوئے ٹینگہ پورہ اور بمنہ بائی پاس سے گزر کر،بمنہ کراسنگ،قمرواری،سیمنٹ برج کا راستہ اختیار کر کے نورباغ،سکہ ڈافر،عیدگاہ،عالی مسجد،حول،علمگری بازار،مل اسٹاپ۔مولوی اسٹاپ لال بازار،بٹہ شاہ محلہ سے گزر کرکنہ تار اور این آئی ٹی میں داخل ہونے کی ہدایت دی گئی ہے۔ بڈگام سے آنے والی گاڑیوں کی واپسی کیلئے جو روٹ پلان مرتب کیا گیا ہے اس میں ان گاڑیوں کے ڈرائیوروں کو ہدایت دی گئی ہے کہ وہ این آئی ٹی سے،عشائی باغ کراسنگ ،رعناواری ،خانیار،نو پورہ،ڈلگیٹ،گالف کراسنگ،ریڈیو کشمیر سے ہوتے ہوئے عبداللہ برج کا راستہ اختیار کر کے ہیٹ ٹرک،کانونٹ کراسنگ،پولیس تھانہ راجہ باغ،جواہرنگرچوک سے گزر کر جواہر نگر بنڈ،رام باغ،برزلہ پل،صدر سے ہوتے ہوئے حید پورہ اور آگے کا راستہ کریں۔

 لالچوک سے حضرت بل جانے والی عقیدتمندوں کی گاڑیاں لال چوک،ایس آر ٹی سی پل،اخوان کراسنگ سے گزر کر پولیس اسٹیشن خانیار،بہوری کدل،راجوری کدل،گوجوارہ چوک،حول سے ہوتے ہوئے علمگری بازار،مل اسٹاپ۔مولوی اسٹاپ لال بازار،بٹہ شاہ محلہ سے گزر کرکنہ تار اور این آئی ٹی میں داخل ہونے کی ہدایت دی گئی ہے۔واپسی کیلئے ان گاڑیوں کیلئے جو روٹ پلان دیا گیا ہے اس کے مطابق درگاہ حضرت بل سے واپسی پر لالچوک کا رخ کرنے والی گاڑیوں کواین آئی ٹی سے عشائی باغ کراسنگ سے گزر کر رعناواری،خانیار سے ہوتے ہوئے نوپورہ پل،خیام چوک،ڈلگیٹ سے مولانا آزاد روڈ کا راستہ اختیار کرنے کی ہدایت دی گئی۔

گاندربل سے درگاہ حضرت بل کا رخ کرنے والی عقیدتمندوں کی گاڑیوں کو ناگہ بل،زکورہ،حبک سے گزر کر اپنی گاڑیوں کو نسیم باغ میں کھڑی کرنے کی ہدایت دی گئی۔روٹ پلان کے مطابق درگاہ حضرت بل سے واپسی پران گاڑیوں کیلئے جو روٹ پلان مرتب کیا گیا ہے اس کے مطابق یہ گاڑیاں نسیم باغ سے ہوتے ہوئے،حبک،زکورہ اور ناگہ بل سے آگے کا راستہ اختیار کریں گی۔

شمالی کشمیر سے آنی والی گاڑیوں کیلئے کشمیر یونیورسٹی کیمپس میں سرسید گیٹ سے گاڑیاں پارک ہونگی جبکہ جنوبی کشمیر سے آنے والی گاڑیوںکیلئے نسیم باغ یو نیورسٹی کیمپس میں بڈشاہ گیٹ سے گاڑیاں پارک ہونگی ۔ادھر وسطی کشمیرکی گاڑیوں کیلئے نیشنل انسٹی چیوٹ آف ٹیکنالوجی (این آئی ٹی ٹی ) کیمپس میں پارکنگ کا انتظام ہوگا ۔وی آئی پی گاڑیوں کیلئے ٹریفک کیمپ حضرت بل میں پارکنگ سہولت دستیاب ہوگی۔