مزید خبرں

 بانہال//ضلع رام بن میں بانہال کا گگڑناگ نیل علاقہ دہائیوں سے سرکاری عدم توجہی کا شکار ہے اور سب ڈویژن رامسو میں پڑنے والا یہ علاہ سرسبز جنگلوں سے گھرے دور ایک پہاڑی پر واقع ہے۔یہ علاقہ چملواس نیل اور مکرکوٹ نیل رابطہ سڑک سے تین کلومیٹر کی دوری پر واقع ہے اور ابھی تک سڑک راںطہ نہ ہونے کی وجہ سے عام لوگوں کی زندگی اجیرن بنی ہوئی ہے ۔علاقہ گگڑ ناگ کے مقامی لوگوں کا کہنا ہے کہ تعمیر و ترقی کے اس دور میں بھی علاقہ گگڑناگ بنیادی سہولیات سے محروم ہے جبکہ آئے روز میڈیا کے ذریعے ڈیجیٹل انڈیا کی باتیں کی جارہی ہیں ۔ انہوں نے کہا کہ پسماندہ علاقہ گگڑناگ کا علاقہ تعمیر وترقی سے کوسوں دور ہے اور اس کیلئے سڑک رابطے کا فقدان سب سے بڑی وجہ بنی ہوئی ہے۔ گگرناگ کا علاقہ ایک کھڑی پہاڑی پر واقع ہے اور یہاں روزانہ کے سفر نے سکولی بچوں، بیماروں اور عام لوگوں کو سخت مشکلات میں ڈالے رکھا ہے اور لوگ اس پیدل سفر سے اب تنگ آئے ہیں۔ انہوں نے کہا کہ گگڑناگ سیاسی اور محکمانہ رسہ کشی اور ہر طرف سے عدم توجہی کا شکار رہا ہے اور اب تک آئے کسی بھی سیاسی لیڈر نے اس علاقے کو سڑک رابطے سے جوڑنے کیلئے کچھ بھی نہیں کیا ہے۔ انہوں نے کہا کہ تنگ آکر کئی صاحب ثروت کنبے اپنے بچوں کی تعلیم کیلئے یہاں سے ہجرت کر گئے ہیں جبکہ عام اور غریب لوگ اسی علاقے میں دشوار گزار زندگی جینے پر مجبور ہیں۔ انہوں نے گورنر اور ضلع انتظامیہ سے اپیل کی ہے کہ وہ اس علاقے کو سڑک رابطے سے جوڑنے کیلئے اقدامات کریں اور اگر اس کیلئے پی ایم جی ایس وائی یا پی ڈبلیو ڈی محکمہ نے سڑک کا کوئی پلان بنایا ہے تو اسے جلد از جلد شروع کیا جائے۔ 

 

 

زاہد ملک

ریاسی//ضلع ریاسی میں گزشتہ 24 گھنٹوں کے دوران 6 نئے مثبت معاملات سامنے آئے ہیں۔اسی دوران اس وائرس کی وجہ سے کسی کی بھی موت واقع نہیں ہوئی۔ضلع میں گزشتہ 24 گھنٹوں کے دوران 5 کروناوائرس کے مریض گھروں کو واپس لوٹے ہیں۔ضلع میں ابھی بھی 110 پازٹیو کیسز ہیں۔

 

 

اشتیاق ملک

ڈوڈہ //ڈوڈہ ضلع سے کورونا وائرس کے 8 نئے مثبت معاملات سامنے آئے ہیں اور 7 مریض صحتیاب ہوئے ہیں۔اطلاعات کے مطابق بدھ کے روز ڈوڈہ، بھدرواہ، ٹھاٹھری ،گندوہ و عسر میں ہوئی کوؤڈ جانچ کے دوران آٹھ افراد کی ٹیسٹ رپورٹ مثبت آئی ہے جنہیں ہوم قرنطینہ میں رکھا گیا ہے اور سات مریض صحتیاب ہوئے ہیں۔اس طرح سے ضلع میں فعال کیسوں کی تعداد 113 و شفایاب ہوئے مریضوں کی مجموعی تعداد 7063 پہنچ گئی ہے جبکہ کچھ کورونا وائرس سے اب تک ضلع میں 127 افراد فوت ہوئے ہیں اور 214922 افراد کو ٹیکے لگائے گئے ہیں۔

 

 

سید امجد شاہ

جموں//سیکورٹی فورسز نے سانبہ اور کشتواڑ اضلاع میں امن و امان کے کسی بھی مسئلے سے نمٹنے کے لیے بہتر کوآرڈینیشن کے لیے ایک مشترکہ فرضی مشق کی۔فرضی ڈرل ضلع سانبہ کے مختلف حصوں میں کی گئی جس میں فوج ، سی آر پی ایف اور جے اینڈ کے پولیس نے مشترکہ طور پر روٹ مارچ کیا تاکہ شہریوں میں حفاظت اور تحفظ کا احساس پیدا ہو۔ایک سینئر پولیس افسر نے کہا ، "سانبہ کے مختلف چوکوں پر سیکورٹی فورسز جمع ہوئے اور انہوں نے فرضی مشق میں شمولیت اختیار کی اور حصہ لیا۔" پولیس آفیسر نے کہا کہ یہ ضروری ہے کہ لاک ڈاؤن/کرفیو کس طرح نافذ کیا جائے اس کی مشق کی جائے۔دریں اثنا ، اسی طرح کی فرضی ڈرل ضلع کشتواڑ کے کچھ حصوں میں کی گئی۔ ایک پولیس عہدیدار نے بتایا کہ سکیورٹی فورسز کے مابین ہم آہنگی کو بہتر بنانے اور انہیں علاقے سے واقف کرانے کے لیے فرضی مشق ایک معمول کی مشق ہے۔واضح رہے کہ سکیورٹی فورسز کو یوم آزادی سے پہلے ہی الرٹ کر دیا گیا ہے تاکہ کسی بھی قسم کی عسکریت پسندی سے بچا جا سکے۔