آکسیجن کی دستیابی، آئیسولیشن بیڈس اور ادویات دستیاب رکھیں
پرویز احمد
سرینگر // ملک کے کئی حصوں میں کورونا وائرس نئے سرے سے پھیلنے کے بعد مرکزی سرکار نے جموں و کشمیر سمیت تمام ریاستوں او مرکزی زیر انتظام علاقوں کو ہدایت دی ہے کہ وہ آکسیجن، آئیسولیشن بیڈس، وینٹی لیٹروں اور ضروری ادویات کی دستیابی کو یقینی بنائیں۔ مرکزی ڈائریکٹر جنرل ہیلتھ سروسز ڈاکٹر سنیتا شرما کی جانب سے منعقد ایک جائزہ میٹنگ ،جس میں محکمہ آفات سماوی، ایمرجنسی منیجمنٹ ریسپانس( ای ایم آر) این سی ڈی سی( نیشنل سینٹر فارڈیزیز کنٹرول، انڈین کونسل آف میڈیکل ریسرچ ،آئی سی ایم آر، آئی ڈی ایس پی کے علاوہ دیگر ریاستوں اور مرکزی زیر انتظام علاقوں سے آنے والے افسران اور نمائندوں نے حصہ لیا اور ملک میں کورونا وائرس کی موجودہ صورتحال اور تیاریوں کا جائزہ لیا ۔ تمام ریاستوں اور ضلع سرولنس یونٹ آئی ڈی ایس پی کے زیر نگرانی انفلنزاجیسی بیماریوں اور چھاتی کے بیماروں پر نظر رکھے ہوئے ہے۔ میٹنگ میں چھاتی کی مختلف بیماریوں میں مبتلا لوگوں کی ٹیسٹنگ اورانفلنزا مریضوں میں سے 5فیصد مریضوں کے لئے لازمی قرار دی گئی ہے اور ان نمونوں کی جینوم تحقیق کیلئے آئی سی ایم آر اور وی آر ڈی ایل بھیجنی کی بھی ہدایت دی گئی ہے۔ ملک بھر میں بدھ کو 864نئے معاملات کی تصدیق ہوئی ہے ۔ کورونا وائرس کی نئی ہیت سے متاثر تمام لوگوں میں ہلکی علامتیں پائی جاتی ہیں۔ یکم جنوری سے ابتک کورونا وائرس سے 44افراد کی موت ہوگئی ہے۔ ڈائریکٹر جنرل ہیلتھ سروسز نے تمام ریاستوں کو آکسیجن ، آئیسولیشن بیڈوں، وینٹی لیٹروں اور لازمی ادویات کو دستیاب رکھی کی ہدایت دی ہے۔ اس سے قبل چند ریاستوں میں 2جون کو آکسیجن پلانٹوں، آئی سولیشن بیڈوں اور دیگر کو تیار رکھنے کی مارک ڈرل کی گئی تھی جبکہ بدھ اور جمعرات کو عملے کی تیاریوں کا جائزہ لیا جائے گا۔ اس دوران بلڈ شوگر ، چھاتی، گردوں اور سرطان کے مریضوں کو ہدایت دی گئی ہے کہ وہ اپنے ہاتھوں کو صاف رکھے، ماسک کا استعمال کریں اور بھیڑ بھاڑ والے علاقوں میں نہ جائیں۔ میٹنگ کے دوران لوگوں سے کہا گیا ہے کہ مرکزی وزارت صحت تمام ریاستوں میں صورتحال پر نظر بنائے ہوئی ہے اور لوگوں کو بہتر طبی سہولیات فراہم کرنے کی وعدہ بند ہے۔
