مختصر خبریں

سرےنگر// نےشنل کانفرنس کے ضلع صدر اور ایم ایل سی کپوارہ قیصر جمشید لون نے رےاست کے بلند پاےہ ولی کامل حضرت زیتی شاہؒ ولی کے عرس مبارک کے پےش نظر زائرےن کی سہولےات کیلئے مناسب اور معقول انتظامات دستےاب رکھنے کی انتظامےہ سے اپےل کی ہے۔اُنہوں نے کہا کہ وادی کے اطراف واکناف سے ہزاروں عقےدت مندان عرس پر زےارتگاہ پر حاضری دیتے ہےں۔ سابق وزیر و ایم ایل اے کپوارہ میر سیف اللہ نے انتظامےہ سے اپیل کی ہے کہ وہ عرس مبارک کے پےش نظر غذائی اجناس ، صحت وصفائی، بغےر خلل بجلی اور پانی کی دستےابی ےقےنی بنائےں۔ علاوہ ازےں زائرےن کو لانے اور لےجانے کیلئے معقول ٹرانسپورٹ انتظامات بھی کئے جائےں۔ 

 

ارشاد احمد

گاندربل//ریاستی حج کمیٹی اور ضلع انتظامیہ گاندربل کی طرف سے مرکزی جامع مسجد بیہامہ میں حج 2017 کے سلسلے میں ضلع گاندربل سے منتخب ہوئے 320 عازمین حجاج کرام کے لئے تربیتی اور جانکاری پروگرام کا انعقاد کیا گیا جس میں ریاستی حج کمیٹی کے اراکین، فیاض احمد فیاض ،جاوید احمد وانی اور محمد فاروق کی جانب سے مکمل تربیت اور جانکاری فراہم کی گئی۔تربیتی پروگرام کے دوران فیاض احمد فیاض کی تیار کردہ "حج کا سفر،ہدایت و احتیاط"کے عنوان سے 45 منٹ کی ڈاکومنٹری دکھائی گئی۔تربیتی پروگرام کے دوران مناسک حج،مکہ مکرمہ،مدینہ منورہ اور دیگر معاملات کے حوالے سے مکمل تربیت دی گئی۔تربیتی اور جانکاری پروگرام کے احسن انعقاد کے لئے عازمین کرام نے اطمینان کا اظہار کرتے ہوئے ریاستی حج کمیٹی کی ستائش کی۔دریں اثناءضلع انتظامیہ گاندربل اور ریاستی حج کمیٹی کی اطلاع کے مطابق ضلع گاندربل کے منتخب عازمین کے لئے 8اور 9 جولائی 2017 کو منی سیکٹریٹ گاندربل میں ضروری ٹیکے لگائے جائیں گے ۔

 

بانڈی پورہ //ایڈیشنل ڈپٹی کمشنربانڈی پورہ کے مطابق ضلع کے منتخب عازمین حج کو پیر مسجد میں 9جولائی 2017کو دوسرے مرحلے تحت تربیت دی جائے گی۔ضلع کے تمام منتخب عازمین حج کو مطلع کیا جارہا ہے کہ وہ مقررہ تاریخ پر صبح10بجے تربیتی پروگرام میں شامل ہوجائیں۔

 

محمد تسکین 

بانہال // ناشری چینینی فورلین ٹنل میں جمعرات کو بجلی کی سپلائی میں خرابی کی وجہ سے گاڑیوں کی آمدورفت وقفے وقفے سے معطل رہی اور بعد میں اس تیکنیکی خرابی کو دور کیا گیا اور گاڑیوں کی آمدورفت معمول کی طرح بحال کی گئی۔ ٹریفک ذرائع نے کشمیر عظمیٰ کو بتایا کہ ٹنلوں کے اندر اندر گاڑیوں کے زہریلی دھویں کو خارج کرنے کیلئے لگائے گئے پنکھے تیکنیکی خرابی کی وجہ سے کئی بار بند ہوگئے اور اس وجہ سے گاڑیوں کی آمدورفت کو بھی ٹنل کے اندر جانے سے روک دیا گیا۔ انہوں نے کہا کہ یہ معاملہ کئی بار پیش آیا تاہم بعد میں اس خرابی کو دور کیا گیا اور ٹنل کے اندر دوطرفہ ٹریفک کو بحال کیا گیا۔