مختصر خبریں

جموں//ڈگری کالج سانبہ کے چارنیول این سی سی کیڈٹوں نے کالج اوراین سی سی ڈائریکٹوریٹ کاروشن کیا۔ان کیڈٹوں نے سینک کیمپ کاورکرناٹک میں شبھم شرما نے ڈرل مقابلے میں گولڈمیڈل حاصل کیا جبکہ گلشن ،شیوالی نے بوٹ پلنگ اورچھٹے پوزیشن حاصل کی۔ کالج کے اے این اوڈاکٹرمنوہرلال نے طلباء کی کارکردگی پرمسرت کیاہے۔

 

جموں//پولیس کے مطابق جموں شہرکے مختلف علاقوں سے دواشخاص کوگرفتار کرکے ان کے قبضہ سے 30کلوگرمی بھکی برآمدکی گئی ہے۔گذشتہ روز پولیس نے علاقہ مانڈا میں ایک کارکوروکا،تلاشی کے دوران ایک شخص سے 9کلوگرام بھکی ضبط کی گئی۔مذکورہ شخص پٹھانکوٹ کارہنے والاہے ۔اس سلسلے میں معاملہ درج کرکے مزیدکاروائی شروع کردی ہے۔اسی طرح کے ایک اورواقعے میں پولیس نے چھنی میں ایک کارکوروکا۔تلاشی کے دوران ڈرائیورسے 21کلوگرام بھکی ضبط کی گئی۔

 

جموں//جموں وکشمیرمیں امن وقانون کوبنائے رکھنے اور ریاست کے صدیوں پرانی فرقہ وارانہ ہم آہنگی کی قدروں کی آبیاری کرنے کیلئے سکھوں کے ایک گرو پ نے اس مقصد کے لئے ایک غیرسرکاری تنظیم کاقیام عمل میں لایاہے۔اس بات کااظہار اس نئے گروپ کے چیئرمین نے یہاں کیا۔سپریم سکھ آرگنائزیشن انسانی قدروں کے علم کوبلندرکھنے ،نوجوانوں میں پائی جارہی منشیات کی بدعات کوختم کرنے کے لئے دِل وجان سے کام کرے گی۔ ان خیالات کااظہارایس گرمیت سنگھ نے یہاں اخباری نمائندوں کے ساتھ بات چیت کے دوران کیا۔

 

جموں//ریجنل ٹرانسپورٹ آفیسر(آرٹی اوجموں) کے دفترمیں چوری کی واردات رونماہونے کی خبرپھیلنے کے بعدکام کاج معطل رہا۔اطلاعات میں بتایاگیاہے کہ آرٹی او عملہ نے ریکارڈزرومزمیں کچھ تالوں کی توڑپھوڑ اورکچھ دستاویزات کوگم پایاجس کی اطلاع فوری طورپر پولیس کوکی گئی۔پولیس نے فوری طورپر تمام دفترکوسربمہرکردیااورکسی بھی شخص کودفترمیں جانے کی اجازت نہیں دی۔ دریں اثنا سراغ رساں کتے اورفورنسک سائنس لیبارٹری کی ایک ٹیم موقعہ پرپہنچ گئی اورمعاملے کی تفتیش کام کام شروع کردیا۔سال 2017 میں اس دفترمیں چوری کایہ دوسراواقعہ ہے ۔اس سے پہلے فروری 2017 میں ا س دفترمیںچوری کاواقعہ رونماہواتھا۔

 

 

جموں//ڈیپارٹمنٹ آف سٹوڈنٹس ویلفیئر جموں یونیورسٹی کی جانب سے برگیڈیئر راجندرسنگھ آڈیٹوریم میں’ڈسپلے یورٹیلنٹ 2017-18‘‘ کے تحت ڈبیٹ مقابلوں کااہتمام کیاگیا۔اس موقعہ پر ڈین سٹوڈنٹس ویلفیئر پروفیسر ستنام کور ،ایسوسی ایٹ ڈین (ایس ڈبلیو) ڈاکٹرانوپم ووہرہ، اسسٹنٹ ڈین (ایس ڈبلیو)ڈاکٹراے آرمنہاس کے علاوہ طلباء اوراسکالرزبھی موجودتھے۔اس دوران جی سی ڈبلیوپریڈکی سنگ پریااور ڈیپارٹمنٹ آف زولوجی کی شیویکاٹھاکرکواول،لاء سکول کے تشارکلسوترہ کودوسرااورلاء سکول کی شیوکرتی مہاجن اورسیرت باجی کوتیسراانعام دیاگیا۔ ڈبیٹ کاموضوع ’ڈیجٹلائزیشن اِ زایسنشل فارانڈیااینڈاتھل کنسرن آف پرائیویسی اینڈسرولینس شوڈبھی الائنڈ وِد اِٹ‘‘رکھاگیا۔

 

جموں//میڈیاالیون کرکٹ کلب نے بشناہ کرکٹ کلب کوفلائے منڈال کرکٹ گرائونڈمیں منعقدہ ایک دوستانہ  میچ کے دوران سات وکٹوں سے شکست دے دی۔ٹاس جیتنے کے بعدپہلے بلے بازی کرتے ہوئے بشناہ کرکٹ نے مقررہ اوروں میں چھ وکٹوں کے نقصان پر152رنوں کاہدف مخالف ٹیم کے سامنے رکھا۔اس دوران انکوش 40 گیندوں میں 54رن بناکرنمایاں سکورررہے جبکہ سچن نے 14گیندوں میں 24رن سکورکئے۔اس دوران میڈیاالیون کرکٹ کلب کی طرف سے سچن اورسنیل نے دودووکٹیں حاصل کیں۔ہدف کوحاصل کرنے کیلئے میرعمران کی قیادت میںمیدان میں اُتر ی میڈیاالیون کرکٹ کلب نے 15.1 اوروں میں نشانے کوسات وکٹوں کے نقصان پرحاصل کیا۔اس دوران سچن نے 20گیندوں میں 41رن سکورکئے جبکہ سنیل نے 27گیندوں میں 37 رن بنائے۔ بشناہ کرکٹ کلب کی طرف سے اشونی اورسچن نے دودووکٹیں حاصل کیں۔