محمد حفیظ ”کیریئر بچاو“ مشن پر آسٹریلیا روانہ

 

لاہور/ محمد حفیظ ”کیریئر بچاو¿“ مشن پر آسٹریلیا روانہ ہو گئے، ان کے غیرقانونی بولنگ ایکشن کی جانچ جمعرات کوبرسبین کے لیب میں ہوگی، ان کا کہنا ہے کہ کلیئرنس پانے کے بعد پہلے سے بہتر کارکردگی دکھاتے ہوئے نمبر ون آل راو¿نڈر کا اعزاز پانے کیلیے پ±رعزم ہوں۔تفصیلات کے مطابق محمد حفیظ گذشتہ سال بولنگ ایکشن رپورٹ کیے جانے کے بعد چنئی میں بائیومکینک ٹیسٹ کلیئر نہیں کرسکے تھے، آئی سی سی کی جانب سے ان کی بولنگ پر12ماہ کیلیے پابندی عائد کردی گئی تھی، یہ مدت رواں سال جولائی میں ختم ہوگئی تاہم فٹنس مسائل کے باعث وہ ٹیسٹ کیلیے تیارنہیں تھے، دورئہ انگلینڈ میں بیٹنگ فارم روٹھی رہی،انجری کا بھی شکار ہوئے اور 24ستمبر کو ساو¿تھمپٹن میں کھیلے گئے پہلے میچ کے بعد وطن واپس آگئے،فٹنس بحال ہونے پر انھیں ویسٹ انڈیز کیخلاف سیریز میں بطور بیٹسمین شامل کرنے سے بھی گریز کیا گیا،اس دوران محمد حفیظ کو بولنگ ایکشن کی اصلاح کیلیے نیشنل کرکٹ اکیڈمی میں کام کرنے کا موقع مل گیا۔اس سے قبل دورئہ انگلینڈ میں چند روز کیلیے سابق انگلش کوچ اوربائیومکینسٹ کارل کروکی خدمات بھی حاصل کی گئی تھیں، برسبین کی بائیومکینکس لیب میں ٹیسٹ کیلیے آئی سی سی کی طرف سے 17نومبرکی تاریخ مقرر کی گئی ہے جس کیلیے آل راو¿نڈر آسٹریلیا روانہ ہوگئے، ٹیسٹ کی رپورٹ 14 روزمیں موصول ہوگی۔ روانگی سے قبل گفتگو کرتے ہوئے محمد حفیظ نے کہاکہ کافی محنت کے بعد پ±ر امید ہوں کہ ایکشن کلیئر کرانے میں کامیاب ہوجاو¿ں گا،اصلاح کے باوجود پہلے سے بہتر بولنگ کررہا ہوں، کاٹ بھی موجود ہے، کلین چٹ ملتے ہی دوبارہ بہترین بولنگ کرتے ہوئے عالمی نمبر ون آل راو¿نڈر بننے کیلیے پ±رعزم ہوں۔ واضح رہے کہ چیئرمین پی سی بی شہریارخان بھی کہہ چکے کہ اگر حفیظ نے ٹیسٹ کلیئر نہ کیا تو ٹیم میں دوبارہ ان کی واپسی مشکل ہے۔