عظمیٰ نیوزسروس
جموں//ریاسی کے منتخب عوامی نمائندوں کے ایک وفد نے ممبر پارلیمنٹ جگل کشور شرما کی قیادت میں لیفٹیننٹ گورنر منوج سنہا سے ملاقات کی۔وفد میںصراف سنگھ ناگ، چیئرمین، ضلع ترقیاتی کونسل ریاسی، بلدیو راج شرما او کلدیپ راج دوبے- ممبران قانون ساز اسمبلی نے شیو کھوڑی مندر کی ترقی، سیاحت کے امکانی علاقوں کو فروغ دینے اور سیاحت، پانی، بجلی اور صحت کے بنیادی ڈھانچے کی اپ گریڈیشن، اور ضلع ریاسی کے مختلف عوامی اہم مسائل سے متعلق مطالبات کا ایک میمورنڈم پیش کیا۔لیفٹیننٹ گورنر نے وفد کے ارکان کو یقین دلایا کہ ان کے پیش کردہ مسائل کے ازالے کے لیے مناسب کارروائی کی جائے گی۔اس دوران سوارنکر سنگھ جموں سٹی کے ایک وفد نے بھی لیفٹیننٹ گو رنرسے ملاقات کی۔آل انڈیا رجسٹرڈ نرسز فیڈریشن، جموں و کشمیر کے نمائندوں نے اس کے صدر وشو موہن شرما کی قیادت میں بھی لیفٹیننٹ گورنر سے ملاقات کی۔
