متاثرین کو نہ بھولیں،مزاحمتی اور مذہبی جماعتوں کی عوام سے اپیل

 سرینگر//لبریشن فرنٹ،تحریک المجاہدین ،تحریک حریت،نیشنل فرنٹ ، ڈےمو کرےٹک پولٹےکل مومنٹ، مسلم کانفرنس ،محاز آزادی، ینگ مینز لیگ،انٹرنیشنل فورم فار جسٹس ،تحریک استقامت ، مسلم خواتین مرکز، اسلامک پولٹیکل پارٹی،تحرےک کشمےر،جمعےت ہمدانےہ ،وائس آف وکٹمزانجمن حمایت الاسلام ،تحریک وحدت اسلامی، اسلامی تنظیم آزادی اور کے این ایس نے عید الفطر کے موقعہ پر عالم اسلام خصوصاً جموں و کشمیر کے مسلمانوں کو مبارکباد پیش کرتے ہوئے عید سادگی سے منانے کی اپیل کی ہے۔ لبریشن فرنٹ چیئرمین محمد یاسین ملک نے سینٹرل جیل سرینگر سے اپنے ایک پیغام میں جموں کشمیر کے لوگوں اور عالم اسلام کو عید الفطر کی مبارکباد پیش کی ہے۔ فرنٹ چیئرمین نے کہا ” ہماری خواہش ہے کہ ہم حتمی خوشی منائیں کہ جب ہماری سرزمین اور ہمارے قیدی بھارت سے آزاد ہو ں “۔یاسین ملک نے کہا کہ ہماری دعا ہے کہ یہ عید ہمارے اوپر لوٹ کر آئے اور ہماری ٹکڑوں میں بٹی ہوئی سرزمین بحیثیت ایک قوم و ملت سرخرو ہوجائے۔متحدہ جہاد کونسل کے سیکریٹری جنرل اور تحریک المجاہدین کے امیر شیخ جمیل الرحمان نے اُمتِ مسلمہ کو بالعموم اور کشمیری عوام کو بالخصوص عید مبارک باد پیش کی ہے۔عید پیغام میں انہوں نے کہا کہ ملت اسلامیہ با لعمو م اورشام، عراق، اراکانی،فلسطینی اور کشمیری عوام بالخصوص جن حالات میںدشمن کے نشا نے پر ہیں،وہ سب پر عیاں ہیں۔انہوں نے کہا کہ عالمی برادری خاموشی سے مسلمانوں کے بہتے خون کا نظارہ کررہی ہے جو انتہائی افسوسناک ہے۔تحریک المجاہدین نے اپیل کی ہے کہ عید انتہائی سادگی سے منائیں۔تحریک حریت نے عوام کو عید الفطر پر مبارکباد دیتے ہوئے کہا کہ حقیقی مبارکباد کے مستحق وہ لوگ ہیں جو ماہ رمضان میں اللہ تعالیٰ کی رضا اور رسولِ رحمت کی خوشنودی حاصل کرنے میں کامیاب ہوگئے اور جو اپنے گناہوں کی مغفرت کرانے میں کامیاب رہے۔ تحریک حریت نے کہا کہ عید الفطر حیات بخش پیغام رکھتی ہے اور اللہ کرے کہ یہ عید مظلوم قوم کے لیے خوشحالی اور دائمی امن کا پیغام لیکر آئے اور جموں کشمیر کے عوام بھارتی سے نجات حاصل کرسکیں۔ نیشنل فرنٹ چیئر مین نعیم احمد خان نے کہا ہے کہ ہم سب کے دل اور ذہن مجروح ہیں اور ہم اس پوزیشن میں نہیںہیں کہ کسی بات کا جشن منائیں ۔انہوں نے کہا ’ چونکہ ہم مسلمان ہونے کی حیثیت سے اللہ تعالیٰ کے ماتحت ہیں جنہوں نے ہمیں ایک ماہ کی روزہ داری کے بعد خوشی منانے کا حکم دے رکھا ہے لیکن عید کی خوشیاں مناتے ہوئے ہمیں اُن لوگوں کو نہیں بھولنا چاہئے جنہوں نے آزادی کی راہ میں اپنی جانیں نچھاور کیں۔ڈےمو کرےٹک پولٹےکل مومنٹ کے چیئرمےن اےڈو کےٹ محمد شفےع رےشی نے عیدالفطرکے مبارک موقعہ پر اُمت مسلمہ کو بالعموم اور کشمیری عوام کو بالخصوص عید مبارک باد پیش کر تے ہو ئے ان تمام نوجوانوں اور دیگر سیاسی نظربندوں کی رہائی کا مطالبہ کےا ہے جن کو پولیس نے اس مقدس مہینے میں ریاست کے طول وعرض میں گرفتار کےا ہے۔مسلم کانفرنس کے ایک دھڑے کے چیئرمین شبیر احمد ڈار،محاز آزادی کے ایک دھڑے کے صدر محمد اقبال میر، ینگ مینز لیگ چیئرمین امتیاز احمد ریشی،انٹرنیشنل فورم فار جسٹس کے چیئرمین محمد احسن اونتو ،تحریک استقامت کے چیئرمین غلام نبی وار اور مسلم خواتین مرکز کی چیئرپرسن یاسمین راجہ نے ایک مشترکہ بیان میں عوام سے اپیل کی ہے کہ عیدالفطر نہایت ہی سادگی سے منائیں اور اس مقدس موقع پرمتاثرین کو نہ بھولیں ۔اسلامک پولٹیکل پارٹی کے چیئرمےن محمد یوسف نقاش نے مبارکباد پےش کرتے ہوئے اُمےد ظاہر کی کہ یہ مبارک د ن جموں کشمےر کے عوام کیلئے امن اور آزادی کی نوےد لے کر آئے۔تحرےک کشمےر کے صدر جنرل محمد موسیٰ نے مبارکباد دےتے ہوئے کہا ہے کہ اگر چہ دل چھلنی ہے اور آنکھیں پر نم تاہم امےد کرنی چاہئے کہ اﷲ تعالیٰ آئے روز کی قربانےوں کے طفےل اس قوم کو منزل آزادی سے ہمکنار کرے گا۔وائس آف وکٹمز کے کارڈی نیٹر عبدالروف خان، جمعےت ہمدانےہ کے سربراہ مولانا رےاض احمد ہمدانی نے عےد مبارک پےش کرتے ہوئے دعا کی ہے کہ اللہ تعالیٰ ےہ عےد عالم اسلام کی سربلندی ، عالم انسانےت کی بقا اور اہل کشمےر کے لوگوں کیلئے مسرت اور کامےابی کامرانی کی عےد باعث ہو۔ جمعیت کے صدرحاجی عبدالرشید گانی، جنرل سکریٹری پیرزادہ محمد اشرف عنایتی ، حاجی فاروق احمد گانی، پیرزادہ محمد یاسین ، نشان دہ آثار شریف شہری کلاش پورہ پیرزادہ منظور احمد ، امام و خطیب خانقاہِ معلی غلام محمد ہمدانی اور حاجی پیر غلام نبی فاروقی نوشہرہ نے بھی اہل اسلام کو عید مبارک پیش کی ہے۔انجمن حمایت الاسلام کے صدر مولانا خورشید احمد قانونگو نے عیدالفطر پر فرزندان توحید کو مبارکباد پیش کرتے ہوئے دعا کی کہ خدا تعالیٰ ماہ رمضان کے فیوض و برکات سے امت مسلمہ کو بہرہ مند فرمائے۔ تحریک وحدت اسلامی چیئرمین نثار حسین راتھر، اسلامی تنظیم آزادی چیئرمین عبدالصمد انقلابی نے بھی عید پر مبارکباد پیش کی ہے۔ادھر کشمےر نےوز سروس کے جملہ اراکےن بشمول مدےر اعلیٰ محمد اسلم بٹ نے عےدالفطر کی تقرےب سعےد پر امت مسلمہ کو بالعموم اورمسلمانان رےاست کو بالخصوص مبارک باد پےش کرتے ہوئے دُعاکی ہے کہ ےہ عےد مسلمانان عالم اور عالم انسانےت کے لئے امن وسکون، خوشحالی وترقی، عزت ووقار اور اتحاد کی نوےد لے کر آئے۔تحریک حریت کے سرگرم کارکنوں سید امتیاز حیدر اور نثار احمدبٹ نے عالم اسلام بالعموم اور کشمیری عوام عوام کو بالخصوص عید الفطر کے مبارک موقع پر عوام کو دل کی گہرائیوں سے مبارکباد پیش کی ہے۔اس دوران عیدالفطر کے مقدس موقعے پر آل پارٹیز سکھ کارڈنیشن کمیٹی نے عوام کو مبارک بادی پیش کرتے ہوئے اُمید ظاہر کی ہے کہ یہ عید جموں و کشمیر خاصکر کشمیر کے لوگوں کیلئے خوشی اور امن کا پیغام لیکر آئے گی۔ آل پارٹیز سکھ کارڈنیشن کمیٹی عیدلفطر کے موقعے پر تمام لوگوں خاصکر مسلم طبقے سے وابستہ لوگوں کو عید مبارک پیش کیا ہے۔ اپنے بیان میں ائے پی سی سی کے چیرمین جگموہن سنگھ رینہ کہا ہے کہ اُمید ہے کہ عید کا تہوار کشمیر میں مختلف مذاہب کے ماننے والے لوگوں کے درمیان آپسی بھائی چارے اور محبت میں اضافہ کرے گا۔ انہوں نے کہا کہ جموں و کشمیر میں مختلف مذاہب کے لوگ آپسی بھائی چارے کے ساتھ رہتے ہیں اور یہ بھائی چارہ جموں و کشمیر کو منفرد ریاست بناتا ہے۔