جموں// مولانا آزاد نیشنل اردو یونیورسٹی،نظامت فاصلاتی تعلیم کی جانب سے تعلیمی سال 2016-17 کے لیے مختلف کورسوں مثلاً ایم اے اردو ، ایم اے تاریخ‘ ایم اے انگریزی،بی اے‘ بی ایس سی لائف سائنس (بی زیڈ سی)، بی ایس سی فزیکل سائنس (ایم پی سی) ‘ ڈپلوما ان جرنلزم اینڈ ماس کمیونیکیشن، ڈپلوما ان ٹیچ انگلش، سرٹی یفکیٹ پروگرام اہلیت اردو بذریعہ انگریزی اور سرٹی فکیٹ پروگرام فنکشنل انگلش میں داخلے جاری ہیں۔داخلے کے خواہش مند امیدوار یونیورسٹی ویب سائٹ www.manuu.ac.in سے پراسپکٹس اور درخواست فارم حاصل کرسکتے ہیں۔امیدواربینک ڈرافٹ اسسٹنٹ ریجنل ڈائرکٹر مانو سب ریجنل سنٹر جموں کے نام بنوائیں۔بینک ڈرافٹ بنانے کی تفصیلات اپنے قریبی اسٹڈی سنٹر سے حاصل کرلیں۔ پوسٹ گریجویٹ پروگراموں میں گریجویشن یا اس کے مماثل کورسوں میں کامیاب افراد داخلے کے لیے اہل ہیں۔ بی ایس سی لائف سائنسس (بی زیڈ سی)، بی ایس سی فزیکل سائنس (ایم پی سی) میں داخلے کے لیے 10+2 یا انٹرمیڈیٹ (سائنس) میں کامیاب ہونا ضروری ہے۔بی اے اور ڈپلوما ان جرنلزم اینڈ ماس کمیونیکیشن میں داخلے کے لیے انٹرمیڈیٹ یا اس کے مماثل اور ڈپلوما ان ٹیچ انگلش میں داخلے کے لیے گریجویشن یا اس کے مماثل کورسز میں کامیاب طلبہ داخلے کے اہل ہیں۔ فارم داخل کرنے کی آخری تاریخ بغیر لیٹ فیس کے25 ؍اکتوبر 2016 مقررہے۔ مزید تفصیلات کے لیے فون نمبر 0191-2460150 پر رابطہ قائم کیا جاسکتا ہے۔ بذریعہ اہلیتی امتحان راست BA میں داخلہ جاری ہے۔ اہلیتی امتحان کا انعقاد یکم دسمبر 2016 کو ہوگا۔
مانو کے فاصلاتی کورسز میں داخلے آخری تاریخ 25اکتوبر
