لیہہ میں فوجی گاڑی پتھر سے ٹکرائی

لیفٹیننٹ کرنل سمیت 2 فوجی ہلاک، 3 زخمی

لیہہ// لداخ کے لیہہ علاقے میں بدھ کی صبح ایک فوجی گاڑی پر بھاری پتھرگرنے سے ایک لیفٹیننٹ کرنل اور ایک فوجی جوان کی موت ہو گئی جبکہ تین آفیسر زخمی ہو گئے۔ پولیس نے بتایا کہ فوج کی ایک گاڑی اس وقت بھاری پتھر سے ٹکرا گئی جب فوج کا قافلہ تقریباً 11:30 بجے ڈربک سے چونگتاش کی طرف جا رہا تھا۔انہوں نے کہا کہ اس واقعہ میں ایک لیفٹیننٹ کرنل اور ایک جوان ہلاک ہو گئے جبکہ دو بڑے رینک کے افسر اور ایک کیپٹن زخمی ہو گئے۔ انہوں نے کہا، “زخمیوں کو علاج کے لیے لیہہ کے ایک آرمی ہسپتال میں منتقل کیا گیا ہے۔”مرنے والوں کی شناخت لیفٹیننٹ کرنل بھانو پرتاپ سنگھ اور لانس نائیک دفادار دلجیت سنگھ کے طور پر کی گئی ہے۔