سرینگر//مبارک لیلة الاسری کی اختتامی تقریب سعید پر آثار شریف درگاہ حضرت بل میں فرزندان توحید اورعاشقان رسول ﷺ کا اژ دھام اُمڈ آیا ،جو نماز جمعہ کے بعددیدار ِموئے مقدس ﷺ سے فیضیاب ہوئے۔ اختتامی تقریب وادی کی مساجد ، خانقاہوں میںبھی منعقد کی گئی ۔ وادی میں معراج نبی ﷺکی سب سے بڑی اختتامی تقریب درگاہ حضرتبل میں منعقد ہوئی جہاں شہر سرینگر سمیت وادی کے اطراف واکناف سے ہزاروں کی تعداد میں عاشقان رسولﷺ درگاہ حضرت بل میں جمع ہوئے درگاہ حضرتبل میںزائرین کا سب سے بڑا اجتماع ہوا جبکہ کپوارہ، ،بارہمولہ، سوپور ، بانڈی پورہ ، پلوامہ ، شوپیان ، گاندربل ، اننت ناگ ،بڈگام سمیت دیگر اضلاع کے دور دراز دیہات سے مرد وزن کی ایک بڑی تعدا د نے پہلے ہی درگاہ حضرت بل پہنچنا شروع کیا اور اس سلسلے میں کئی ایک مقامات پر زائرین کے لئے ایس آر ٹی سی کی گاڑیاں میسر رکھی گئیں جو زائرین کو درگاہ حضرتبل لانے اور لیجانے کے لئے استعمال کی گئیںجبکہ جگہ جگہ رضاکار تنظیموں کی طرف سے لوگوں کیلئے مشروبات بھی دستیاب رکھی گئیں۔ اس دوران جامع مسجد سرینگر میں بھی ہزاروں فرزنداں توحید نے معراج العالم کی اختتامی تقریب کے موقعہ پر نماز جمعہ میں شرکت کی ۔ پیر دستگیر صاحبؒ خانیار وسرائے بالا کی زیارت میں بھی نماز جمعہ کے موقعے پر ہزاروں لوگوں نے شرکت کی۔اس موقعہ پر علماءنے فلسفہ معراج پر روشنی ڈالی۔ ادھر آثار شریف پنجورہ شوپیان ، جناب صاحب صورہ،کھرم سرہامہ، سیر ہمدان،خانقاہ فیض پناہ ترال، خانقاہ معلیٰ سرینگر، آثار شریف شہری کلاشپورہ کے علاوہ وادی کے دیگر اضلاع اور قصبہ جات جن میں پلوامہ ، کولگام ،سوپور، بانڈی پورہ ، اسلام آباد ، بارہمولہ اور کپوارہ شامل ہیں ،میں بھی خصوصی تقاریب کا انعقاد کیا گیا ۔دریں اثناءکعبہ مرگ اننت ناگ میں معراج النبی ﷺکی اختتامی تقریب کے سلسلہ میں روح پرور مجالس کا اہتمام کیا گیا جس کے دوران لوگوںکی ایک بڑی تعداد رسول پاک ﷺکے تبرکات کے دیدار سے فیضیاب ہوئے۔ معراج العام ﷺ کی اختتامی تقریب کے موقعہ پر منعقد کی گئی۔ تقریبات میں ائمہ مساجد نے تفصیل کے ساتھ فلسفہ معراج پر روشنی ڈالی جبکہ ان روح پرمجالس میں وادی میں امن و آشتی کےلئے خصوصی دعائیں مانگی گئیں ۔اختتامی تقاریب معراج العالم کے موقعہ پر انجمن حمایت الاسلام صدر مولانا خورشید احمد قانونگو نے خانقاہ اکملیہؒ حول ، سرپرست مولانا شوکت حسین کینگ نے آثار شریف شہری کلاش پورہ اور جنرل سیکریٹری مولانا عبدالحق اویسی نے بارگاہ اویسیہؒ عالی کدل میں بیان کرتے ہوئے معراج العالم پر مفصل روشنی ڈالی۔
لیلة الاسریٰ کی مبارک تقاریب کا اختتام
