یو این آئی
سرینگر// لداخ لوک سبھا نشست کے لئے حاجی حنیفہ اور سجاد کرگلی نے جمعہ کے روز آزاد امید واروں کی حیثیت سے کاغذات نامزدگی جمع کئے ۔اس موقع پر سجاد کرگلی نے میڈیا کو بتایا: ‘میں ایک آزاد امید وار کی حیثیت الیکشن لڑ رہا ہوں اور میں نئی نسل کی آواز بن کے کھڑا ہوا ہوں’۔
انہوں نے کہا: ‘مجھے لداخ کے عوام پر پورا اعتماد ہے کہ وہ مجھے بھاری اکثریت سے کامیاب کریں گے ‘۔قابل ذکر ہے کہ کانگریس نے لداخ نشست کیلئے سرینگ نمگیال جبکہ بی جے پی نے تاشی گیال شن کو کھڑا کیا ہے ۔لداخ سیٹ کے لئے 20 مئی کو پولنگ ہوگی۔حکام کے مطابق اس لوک سبھا سیٹ کیلئے رائے دہندگان کی کل تعداد ایک لاکھ 82 ہزار 5 سو 71 ہے جن میں سے 91 ہزار 7 سو 3 مرد جبکہ 90 ہزار 8 سو 67 خواتین ووٹرز ہیں۔انہوں نے کہا کہ ہموار پولنگ کے انعقاد کو یقینی بنانے کے لئے 577 پولنگ مراکز قائم کئے گئے ہیں۔
