ویب ڈیسک
دن بھر مسلسل کام کے دوران اگر کچھ دیر قیلولہ لےلیا جائے تو نہ صرف آپ کا موڈ بہتر ہوسکتا ہے بلکہ یہ عمل آپ کے دماغ پر بھی مثبت اثرات مرتب کرتا ہے۔
خیال رہے کہ اسلام کی روح سے قیلولہ کے بیشتر فوائد ہیں اور یہ عمل نبی کریم صلی اللہ علیہ وسلم اور صحابہ ؓ کا معمول رہا ہے۔
آپ صلی اللہ علیہ وسلم نے اس کی حکمت بیان کرتے ہوئے فرمایا: دن کے سونے کے ذریعے رات کی عبادت پر قوت حاصل کرو۔ (شعب الایمان للبیہقی) نیز دوپہر کو سونا عقل کی زیادتی اور کھانے کے ہضم کا باعث بھی ہے۔
تاہم اب برطانوی محققین نے حالیہ تحقیق سے یہ بات ثابت کی ہے کہ دن بھر کام کے دوران صرف 1 گھنٹے سے بھی کم وقت کے لئے قیلولہ (مختصر دورانیے کی نیند) لےلیا جائے تو یہ دماغ کو عمر کے ساتھ ساتھ سکڑنے سے محفوظ رکھتا ہے اور قبل از وقت بڑھاپے سے بھی بچاتا ہے۔
سلیپ ہیلتھ جریدے میں شائع ہونے والے تحقیق کے نتائج کے مطابق محققین نے اپنی تحقیق کے دوران مشاہدہ کیا کہ مختصر دورانیے کی نیند لینے والوں کا دماغ قیلولہ نہ لینے والوں کے مقابلے 15 کیوبک سینٹی میٹر (0.9 کیوبک انچ) بڑا ہوتا ہے۔ اس کے ساتھ ہی ان میں بڑھاپا 3 سے 6 سال تاخیر سے آتا ہے۔
اس تحقیقی مطالعے میں شرکاء کے دماغ کا کل سائز تقریباً 1,480 کیوبک سینٹی میٹر تک تھا۔محققین نے یہ بھی تسلیم کیا ہے کہ مختلف شعبہ ہائے زندگی سے وابستہ افراد کے لئے دن میں سونا مشکل ہوتا ہے۔
ماہرین کے مطابق قیلولہ کے صرف دماغ پر ہی نہیں بلکہ اس کے صحت پر بھی دیگر کئی مثبت نتائج مرتب ہوتے ہیں۔ بعض افراد کو یہ ورزش کے مقابلے زیادہ تیزی سے وزن کم کرنے میں مدد فراہم کرتا ہے۔محققین کے مطابق بھرپور نیند لینا دماغی صحت کے لئے بےحد ضروری ہے، کیونکہ کم نیند لینے سے بڑھتی عمر کے ساتھ ساتھ ڈیمنشیا کا خطرہ بڑھ جاتا ہے۔محققین کے مطابق، کم نیند وقت کے ساتھ دماغ کو نقصان پہنچاتی ہے اور دماغی خلیات کے درمیان روابط کو متاثر کر کے سوزش پیدا کردیتی ہے۔ جبکہ باقاعدگی سے قیلولہ لینے سے نیوروڈیجنریشن (neurodegeneration) سے بچا جاسکتا ہے۔
محققین نے دن میں طویل دورانیے کی نیند سے گریز کرنے اور مختصر دورانیے کی نیند پر زور دیتے ہوئے کہا کہ طویل دورانیے کی نیند انسان کو سست بنا دیتی ہے۔
شَکر کی جگہ مصنوعی مٹھاس کا استعمال حالیہ برسوں میں تیزی سے بڑھا ہے لیکن اس سے متعلق بحث جاری ہے کہ کیا مصنوعی مٹھاس شَکر سے زیادہ نقصان دہ ہے یا نہیں؟
مصنوعی مٹھاس وہ مرکب ہے جسے کسی بھی شے کو میٹھا کرنے کیلئے استعمال کیا جاتا ہے لیکن اس میں شَکر کی طرح کیلوریز نہیں ہوتیں۔
آنتوں پر منفی اثرات:مصنوعی مٹھاس ہماری آنتوں میں موجود جرثومے کی حیئت کو تبدیل کرسکتی ہے جس سے موٹاپے کا امکان ہوتا ہے۔
ذیابطیس ٹائپ ٹو کا خطرہ:مصنوعی مٹھاس سے ٹائپ ٹو ذیابطیس کا امکان بڑھ جاتا ہے، ایک تحقیق سے معلوم ہوا کہ ڈائٹ سوڈا پینے والے موٹے افراد کو ذیابیطس ٹائپ ٹو ہوگیا تھا، کیونکہ اس میں مصنوعی مٹھاس ڈالی جاتی ہے۔
تیزابیت میں اضافہ:مصنوعی مٹھاس سے جسم میں تیزابیت بڑھ جاتی ہے جس سے ہڈیاں کمزور ہونے، جوڑ دکھنے اور گردے کی خرابی تک معاملہ بگڑ سکتا ہے۔
