ایم ایم پرویز
رام بن//سری نگر جموں قومی شاہراہ پر اتوار کو رام بن ضلع سے گزرنے والے تین مختلف سڑک حادثات میں کم از کم تین افراد زخمی ہو گئے۔پولیس ذرائع نے بتایا کہ اتوار کی صبح سری نگر جموں قومی شاہراہ پر کنفر چندر کوٹ کے مقام پر پیڈا کنفر کے قریب ایک تیز رفتار ڈمپرنے سات کھڑی گاڑیوں کو ٹکر مار دی۔انہوں نے بتایا کہ جموں سے رام بن جاتے ہوئے ڈمپر بیئرنگ رجسٹریشن نمبر JK19-5944 نے تیز رفتاری اور لاپرواہی کے ساتھ پارک کی ہوئی سات مختلف قسم کی گاڑیوں کو ٹکر مار دی جن کے رجسٹریشن نمبر JK19-7279، PB10HH-6847، JK02BQ-8285، JK02BQ-8285، JK14-1594، JK18-5646 اور JK12B-1558ہیں۔حادثے میں ملوث ڈمپر ڈرائیور رتن سنگھ ولد نیک رام بھگت ساکن سنگلدان، تحصیل گول، رام بن اور مہندرا کا ایک ڈرائیور معمولی زخمی ہوا۔حادثے میں شامل تمام سات گاڑیوں کو نقصان پہنچا۔حادثے کی وجہ سے گاڑیوں کی آمدورفت اس وقت تک معطل رہی جب تک کہ کنفر چندر کوٹ پر نیشنل ہائی وے کے ڈاون ٹیوب سے حادثاتی گاڑیوں کو ہٹا نہیں لیا گیا۔پولیس نے بتایا کہ اس سلسلے میں پولیس سٹیشن چندر کوٹ میں کوئی ایف آئی آر درج نہیں کی گئی۔اسی دوران ایک گاڑی (ٹاٹا موبائل) جس کی رجسٹریشن نمبر JK21J-3823سبزیوں سے لدی تھی جموں سے سری نگر جاتے ہوئے جسوال پل کے قریب پہنچی تو گاڑی سڑک پر الٹ گئی۔ڈرائیور بشیر احمد ولد عنایت علی سکنہ سانبہ کو معمولی چوٹ آئی۔ایک اور حادثے میں جموں سری نگر قومی شاہراہ پر رام بن کے مروگ علاقے میں سرینگر جانے والا ٹرک جس کا رجسٹریشن نمبر JK02AR-1657تھا الٹ گیا، اس حادثے میں کوئی زخمی نہیں ہوا تاہم قومی شاہراہ پر ماروگ پر گاڑیوں کی آمدورفت ایک گھنٹے سے زائد عرصے تک متاثر رہی۔
قومی شاہراہ پر کنفر، چندر کوٹ کے قریب ڈمپر کنٹرول سے باہر ہو گیا | 7گاڑیوں کو ٹکر مار کر نقصان پہنچایا شاہراہ پر آمد ورفت متاثر ،مزید2حادثات بھی رونما،کوئی جانی نقصان نہیں
