عظمیٰ نیوز سروس
ایکتا نگر// وزیر اعظم نریندر مودی نے جمعہ کو گجرات کے ایکتا نگر میں کہا کہ ہم نے قومی اتحاد کو مضبوط کرنے والی سرگرمیوں کو فروغ دینے کا عزم کیا ہے ۔مودی نے یہاں سردار ولبھ بھائی پٹیل کے 150ویں یوم پیدائش کی یاد میں منعقدہ ایک عظیم الشان تقریب سے خطاب کرتے ہوئے کہاکہ “سردار پٹیل کا ماننا تھا کہ ہمیں تاریخ لکھنے میں وقت ضائع نہیں کرنا چاہیے؛ ہمیں تاریخ بنانے کے لیے سخت محنت کرنی چاہیے۔ یہ جذبہ ان کی زندگی کی کہانی میں جھلکتا ہے۔’ایک ہندوستان، بہترین ہندوستان‘‘ کا نظریہ ان کے لیے اہم تھا۔ اس لیے آج سردار پٹیل کی یوم پیدائش قدرتی طور پر قومی اتحاد کا عظیم تہوار بن گیا ہے۔وزیر اعظم نے کہاکہ “جس طرح ہم، 1.4 بلین شہری، 15 اگست کو یوم آزادی اور 26 جنوری کو یوم جمہوریہ مناتے ہیں، یوم یکجہتی کی اہمیت ہمارے لیے تحریک کا ایک لمحہ ہے، یہ فخر کا لمحہ ہے۔ آج لاکھوں لوگوں نے اتحاد کا عہد لیا ہے۔ ہم نے ایسی سرگرمیوں کو فروغ دینے کا عزم کیا ہے جو ملک کے اتحاد کو مضبوط بنائیں۔انہوں نے کہا کہ کانگریس نے صرف اقتدار اور پارٹی ہی انگریزوں سے نہیں لی، بلکہ ان کی غلام ذہنیت کو بھی اپنا لیا۔ چند دنوں میں ‘وندے ماترم اپنی 150ویں سالگرہ منائے گا۔ جب 1905 میں انگریزوں نے بنگال کی تقسیم کی، تب وندے ماترم ہر ہندوستانی شہری کی آواز بن گیا۔ یہ قوم کی یکجہتی اور اتحاد کی علامت بنا۔ انگریزوں نے وندے ماترم کے نعرے پر پابندی لگانے کی کوشش کی، مگر وہ ناکام رہے۔ وندے ماترم کی صدا ہندوستان کے ہر کونے میں گونجتی رہی۔ لیکن جو کام انگریز نہ کر سکے، وہ کانگریس نے کر دکھایا۔ کانگریس نے مذہبی بنیادوں پر وندے ماترم کے ایک حصے کو ہٹا دیا۔ اس کا مطلب یہ ہے کہ کانگریس نے نہ صرف سماج کو تقسیم کیا بلکہ انگریزوں کے ایجنڈے کو بھی آگے بڑھایا۔
