سیرت طیبہ صلی ا للہ علیہ وسلم ۔۔۔۔۔۔یہ وہ ذکر لذیذ ہے۔۔۔۔۔کہ جسے لبوں پر لانے سے قبل محبت کی سرمستیوں و سرشاریوں میں ڈوبے ۔۔۔۔۔گداز کے عنبر میں گندھے اور کیفیتوں کے عطر میں بسے عاشقوں ۔۔۔۔۔قرآن و سنت کے سانچے میں ڈھلے پاک داماں ۔۔۔۔ پاک نفوس۔۔۔۔۔پاک طینت۔۔۔۔ پاک سرشت اور پارسا ہستیوں ۔۔۔۔۔۔جن کی زندگی کا ہر سانس اطاعت اسوہ حسنہ کی مہک میں رچا بسا تھا۔۔۔۔۔۔کودیوانہ وار اقرار کرنا پڑا۔۔۔۔۔۔۔
لایمکن ثناء کماکان حقہ
بعدازخدابزرگ توئی قصہ مختصر
حق بیانی کے یہ خوب صورت الفاظ گنبدافلاک میں گونج رہے ہیں۔۔۔۔۔ اور قرنوں گونجتے رہیں گے۔۔۔۔۔۔۔آپ صلی اللہ علیہ وسلم کی سیرت طیبہ ازابتدا تا انتہا اعجاز ہی اعجازہے ۔۔۔۔۔آپؐ کا ظہور۔۔۔۔۔ظہورِ قدسی ہے۔۔۔۔ آپ ؐکی مبارک ہستی سراسر معجزہ ہے ۔۔۔۔۔۔کون ہے جو یہ دعویٰ کر سکے کہ وہ آپؐ کی سیرت مبارکہ یا مقدس ذات و صفات کے بیان کی قدرت رکھتا ہے۔۔۔۔۔۔جہاں سحر بیاں خطیبوں کی زبانیں گنگ ۔۔۔۔۔۔۔۔۔ اور ادیبوں کے قلم اعتراف بے مائیگی کرتے نظر آئیں۔۔۔۔۔ وہاں ہما شما کس قطار شمار میں ؟۔۔۔۔۔بس ایک خواہش ہے ۔۔۔۔کہ بروزِ حشر شافع روزِ جزا۔۔۔۔۔ہم معصیت کاروں کو۔۔۔۔۔ اپنے دامنِ تلطف و ترحم کی چھائوں میں ۔۔۔کھڑا ہونے کا اِذن مرحمت فرما دیں۔
قارئین کرام! اس بات کواچھی طرح سمجھ لیں کہ’’ ربیع ‘‘کے معنی بہار کے ہیں۔۔۔۔۔اس پس منظرکے لحاذسے انسانیت کے لئے’’ ربیع الاول‘‘ بہار کا آغاز ہے۔۔۔۔۔۔ رب کریم نے آپ کی ولادت کے لیے ایسے ماہ مبارک کو چناکہ جومعنوی اعتبارسے انسانی زندگیوں کو حیاتِ نو عطاکرتا ہے۔۔۔۔۔۔۔معنوی اعتبارسے اس ماہ مبارک میں روئیدگی انگڑائی لیتی ہے۔۔۔۔۔۔۔ اور سبزہ نورستہ آنکھوں کو طراوت دیتا ہے۔ آپ ؐکی ولادت باسعادت بھی تو مثل بہار تھی ۔۔۔۔۔۔کہ انسانیت میں ایک نئی جان ڈالناتھی۔۔۔۔۔۔ اسے ایک پاکیزہ تہذیب سے آشنا کیا جانا تھا ۔۔۔۔۔۔جہالت کی تاریکی کو چھٹنا اور علم ونور کی روشنی کو پھیلنا تھا ۔۔۔۔ بھٹکے ہوئوں کو راہِ راست پر آنا تھا۔۔۔۔۔۔ آپ ؐہی کی وجہ سے ربِ کائنات نے۔۔۔ آسمانوں کو بیکرانی ،بیابانوں کو درخشانی ۔۔۔۔۔آبشاروں کو ترنم، لالہ زاروں کو تبسم۔۔۔۔۔۔ پہاڑوں کو جلال، ستاروں کو جمال۔۔۔۔۔۔پھولوں کو رعنائی، بگولوں کو برنائی۔۔۔۔۔۔۔شفق کو لالی، کھیتوں کو ہریالی۔۔۔۔۔۔ قوس قزاح کو رنگینی، چٹانوں کو سنگینی۔۔۔۔۔۔۔ آندھیوں کو جولانی، سمندروں کو طغیانی۔۔۔۔۔۔۔ دھوپ کو وقار،چاندنی کونکھار۔۔۔۔۔۔۔بادلوں کو للکار، بوندوں کو جھنکار۔۔۔۔۔۔۔۔کلیوں کو مہکار،پرندوں کو چہکار۔۔۔۔۔۔۔۔بجلیوں کو بے باکی ،شمشیروں کو براقی۔۔۔۔۔۔۔۔فضائوں کوتابندگی، خلاں کو رخشندگی۔۔۔۔۔۔۔کندن کو ڈلک، موتی کو جھلک۔۔۔۔۔۔۔۔ حسن کو سادگی ، عشق کو تازگی ۔۔۔۔۔۔۔۔۔جبینوں کو نیاز،دلوں کو گداز۔۔۔۔۔۔۔۔۔کرنوں کو جگمگاہٹ،کلیوں کو مسکراہٹ۔۔۔۔۔۔۔۔۔ریشم کو سرسراہٹ، شبنم کو نرماہٹ۔۔۔۔۔۔۔۔۔وادیوں کو خندیدگی، چوٹیوں کو سنجیدگی۔۔۔۔۔۔۔۔ ولولوں کو ساز،دھڑکنوں کو گداز۔۔۔۔۔۔۔۔۔۔لہروں کو اضطراب،لاوے کو التہاب۔۔۔۔۔۔۔۔۔۔بلبلوں کو زمزمے اور زلزلوں کو ہمہمے عطا کیے۔
سیرت النبی ؐ ایک ایسا قلزم ذخار ہے جو بے حد و بے کنار ہے۔۔۔۔۔ اگر آسماں کے ہر افق۔۔۔۔افق کے ہر کہکشاں۔۔۔۔کہکشاں کے ہر ستارے ۔۔۔ستارے کی ہر لو ۔۔۔۔۔۔۔لو کی ہرجھلملاہٹ۔۔۔۔۔۔ زمیں کے ہر سمندر۔۔۔۔۔۔سمندرکے ہر طوفاں۔۔۔۔۔ طوفاں کے ہر دھارے۔۔۔۔ دھارے کی ہر موج۔۔۔۔۔۔ موج کی ہر سیپی ۔۔۔۔۔۔۔سیپی کے ہر موتی۔۔۔۔۔ دریا کی ہر لہر۔۔۔۔ ندی کے ہر کنارے ۔۔۔۔بادل کے ہر ٹکڑے۔۔۔۔۔۔بارش کے ہر قطرے۔۔۔۔۔۔اوس کی ہر بوند۔۔۔۔۔۔ گھاس کے ہر تنکے۔۔۔۔۔۔۔تنکے کے ہر ریشے۔۔۔۔ جنگل کے ہر درخت۔۔۔۔۔۔ درخت کی ہرٹہنی۔۔۔۔۔۔۔ ٹہنی کے ہر پتے۔۔۔۔۔۔ پتے کی ہر رگ۔۔۔۔۔۔۔ چمن زار کی ہر کیاری ۔۔۔۔۔کیاری کے ہر پھول ۔۔۔۔۔۔۔۔پھول کی ہر پنکھڑی۔۔۔۔۔ پنکھڑی کی ہر دھاری ۔۔۔۔۔۔ صحرا کے ہر ذرے۔۔۔۔۔۔ مشرق کے ہر سورج۔۔۔۔۔سورج کی ہر کرن۔۔۔۔۔۔۔ مغرب کی ہرشفق ۔۔۔۔۔۔شفق کی ہر دھنک۔۔۔۔۔ دھنک کے ہر رنگ۔۔۔۔۔ اور ہوا کے ہر جھونکے کے منہ میں زبان رکھ کر اسے مدحتِ آقائے کائنات ؐ پر مامور کر دیا جائے۔۔۔اور وہ صبحِ ازل سے لے کر شامِ ابد تک یہ فریضہ بلا توقف ادا کرتے رہیں۔۔۔۔۔۔ تو بھی آپ ؐ کی حیاتِ پاک کے کسی ایک پہلو کا اجمالی سا احاطہ بھی نہ کر پائیںگے۔
معاشرتی سطح پر آپؐ کی شہرت امین اور صادق کی تھی۔۔۔۔۔۔۔ آپؐ کو سب سے زیادہ بااعتماد اور معزز سمجھا جاتا تھا۔۔۔۔۔اور جب آپؐ پر دین کی تکمیل ہوئی۔۔۔۔۔اور آپؐ پر آخری کتاب اتاری گئی ۔۔۔۔۔۔۔ آپؐ نے پہلے نبیوںؑ کی تائید و تصدیق کی۔۔۔۔۔ رب نے آپ ؐکے لیے نبیوں سے عہد لیا۔۔۔۔۔ آپؐ امام الانبیا کہلائے۔۔۔۔۔۔ آپ ؐکے اسوہ حسنہ کو ہمارے لیے چراغ راہ بنا دیا گیا۔۔۔۔۔۔ آپؐ کی محبت تمام محبتوں سے برتر ہوکر ایمان کی اساس قرار پائی۔۔۔۔۔۔۔ آپؐ کی اطاعت ہی اللہ کی اطاعت ٹھہری۔ ۔۔۔۔۔آپ ؐسے وفا کرنے والا ہی اس قدرکامیاب و کامران ٹھہرا ۔۔۔۔۔۔کہ اس کا مقسوم خدا کی رضا ٹھہری۔۔۔۔۔۔ آپ ؐدونوں جہانوں کے لیے رحمت ٹھرے۔۔۔۔ آپ ؐکا اسوہ اور سیرت ہی کامیابیوں کی بنیاد ہے۔۔۔۔۔۔۔ آپؐ کے برپا کیے ہوئے انقلاب میں فرد تبدیل ہوئے دلوں کو صیقل کیا گیا۔۔۔۔ انصاف اور عدل کی ایسی مثال قائم فرمائی ۔۔۔۔۔۔کہ جس کے جیسی کوئی دوسری مثال نہیں۔۔۔۔۔۔آپؐ نے تمام امتیازات ختم کردئیے ۔۔۔۔۔۔۔۔۔ گورے کوکالے اور کالے کو گورے پر کوئی فوقیت نہیںرہی۔۔۔۔۔۔۔ عربی کو عجمی اور عجمی کو عربی پرکوئی برتری نہیںرہی۔۔۔۔۔۔۔ توقیر اور بڑھائی کا ایک ہی معیار طے کر دیا گیا ۔۔۔۔کہ وہی سب سے بہتر ہے جو تقویٰ میں بہتر ہے۔۔۔۔۔۔ غورکرویہ کیسی دلچسپ بات ہے۔۔۔۔۔۔ کہ آپؐ ہی وہ ہستی ہیں جس کے بارے میں مومن سب سے زیادہ باخبر ہے۔۔۔۔۔۔ آپؐ کی ہر ادا سنت ٹھری ۔۔۔۔۔۔۔ آپؐ کا خاموش رہنا بھی حجت ٹھہرا۔۔۔۔۔ آپؐ کا ایک ایک لمحہ ریکارڈڈ ہے۔۔۔۔۔ آپ ؐکے نقوش پا پوری انسانیت کے لئے راہنما۔۔۔۔۔۔۔آپ ؐکی تشریف آوری سے کائنات کی ظلمت و تاریکیاں نورانیت میں تبدیل ہوئیں۔۔۔۔۔ انسان کے مردہ دل نے پھر سے تازگی پائی ۔۔۔۔ کفر و شرک کی گھنگور گھٹائیں ختم ہوئیں۔۔۔۔۔۔ انسانوں کو انسانیت کے صحیح اور حقیقی مفہوم سے عملی آشنائی ہوئی ۔۔۔۔۔۔۔ہر قسم کے خرافات ۔۔۔۔۔بے بنیاد رسم و رواج کی بندشوں میں جکڑا ہوا انسان۔۔۔۔۔نے آزاد ہو کر اپنے مقاصد زندگی، اور وجہ تخلیقات کو سمجھا۔ اپنے معبود حقیقی کو جانا، عبد و معبود کے رشتوں کو سمجھا۔
جہاں رب کریم نے ہمیں یہ عظیم سعادت نصیب فرمائی کہ ہم آپ ؐ کے امتی ہیں۔۔۔۔۔۔۔وہیںہمیں امت وسط قراردیکرہم پربہت بڑی ذمہ داریاں بھی عائدکردی گئیںہیں ۔۔۔۔۔ہم پرافسوس کہ آپؐ کاامتی ہونے کے باوصف ۔۔۔۔۔ہم آج جن حالات میں گھرے ہوئے ہیں ۔۔۔۔۔اس پرہم اپنامحاسبہ کرنے کے لئے تیارنہیں۔۔۔۔۔۔۔ محاسبہ کرتے تولگ پتاجاتا۔۔۔۔۔۔کہ ہماری ذلت اورپستی کی واحدوجہ یہ ہے۔۔۔۔۔۔ کہ ہم اسوہ حسنہ اورسیرت طیبہ سے منہ موڑچکے ہیں۔۔۔۔۔۔اللہ کی غلامی کے بجائے ہم غیراللہ کے غلامی اختیارکرچکے ہیں۔۔۔۔۔۔۔۔جس پرکب کی ہم پر وہ گھڑی آ پہنچی ہے جس کی خبر آپؐ نے دی تھی۔۔۔۔ کہ’’ دنیا کی قومیں تم پر اس طرح ٹوٹ پڑیں گی جیسے بھوکے پلیٹوں پر لپکتے ہیں۔۔۔۔۔۔عرض کیاگیااس کی وجہ کیاہوگی ۔۔۔۔۔۔۔فرمایا’’حب دنیاوکراہت الموت‘‘۔۔۔۔۔۔دنیاسے محبت اورموت سے نفرت۔ ۔۔۔۔۔۔یہ اسوہ حسنہ سے روگردانی ہی کانتیجہ ہے ۔۔۔۔۔کہ ہماری مجموعی حالت یہ ہے کہ صفیں کج ، دل پھٹے ہوئے اورارادے کمزورہیں۔۔۔۔۔ہمتیں شکستہ اورنگاہیں پست ہیں۔۔۔۔۔ ۔آرزو مردہ اور دل آزردہ ہیں۔۔۔۔۔آخرت ہماری منزل نہیںرہی ۔۔۔۔۔ امید ہماری سواری نہیںرہی۔۔۔۔۔۔یقین ہمارا زادِ راہ نہیںرہا۔۔۔۔۔ حوصلہ ہمارا رفیق نہیںرہا۔۔۔۔۔وحدت ہمارا شعار نہیںرہا۔۔۔۔۔ اتحاد ہماری قوت نہیںرہا۔۔۔۔۔ غیرت ہماری پہچان نہیںرہی۔۔۔۔۔۔۔ تعاون ہمارا شیوانہیںرہا۔۔۔۔۔۔۔مساجدتو اللہ کے گھر ہیں۔۔۔۔۔پر ہم نے ان کو فرقوں کے قلعوں میں تبدیل کر لیا۔۔۔۔۔۔۔ہم آپؐ کی ذات مبارکہ سے بے شک عشق کا دعویٰ تورکھتے ہیں۔۔۔۔۔پر آپ ؐکی سنتِ مطہرہ سے آنکھیں موندی ہوئی ہیں۔۔۔۔۔ہماری بدبختی کانتیجہ ہے کہ آج آپؐ کا اسوہِ حسنہ ہمارا مرکزاتباع نہیں۔۔۔۔۔ آپؐ کی تعلیمات ہمارا معیار عمل نہیں۔۔۔۔۔۔آپ ؐکے ارشادات ہمارے لیے چراغِ راہ نہیں۔۔۔۔۔۔بدعات و خرافات کو ہم نے عشقِ رسول کا نام دے رکھا ہے۔۔۔۔۔۔ہم خواہشاتِ نفس کے غلام ۔۔۔۔۔۔۔ہم حرص و ہوس کے بندے ۔۔۔۔۔ہم حیاتِ دنیا کے اسیر ۔۔۔۔۔۔ہم قوالوں کے دھنوں پر سر دھنتے ہیںاورنعت خوانوں کی آواز پر جھومتے ہیں۔۔۔۔۔۔۔۔پر اپنی زندگی کے معاملات میں آپ ؐکی اطاعت و پیروی کرنے پر تیار نہیں ہیں۔ ۔۔۔۔۔ہمارا دعویٰ ہے ایمان کا ۔۔۔۔۔لیکن وہ قرآن، وہ پیغام ، وہ تعلیم جو لے کر آپؐ تشریف لائے۔۔۔۔۔۔۔ہم اس کے مطابق زندگی گزارنے سے گریز پا ہیں۔۔۔۔۔۔آپؐ نے اچھے اخلاق کو ایمان کی کاملیت کی دلیل بتایا ۔۔۔۔۔۔۔پر ہم اخلاقی گراوٹ سے اوپر اٹھنے پر آمادہ نہیں ۔۔۔۔۔۔ اس لیے دولتِ ایمان سے بھی خالی ہیں۔۔۔۔۔۔آپ ؐنے ایمان کے رشتے کو ہماری اخوت کی بنیاد بنایا۔۔۔۔۔۔پر ہم نے ذات، قوم قبیلے ، رنگ، نسل اور زبان کو اپنے لیے وجِ افتخار بنا لیا۔۔۔۔۔۔۔۔۔ ہم نے آپ ؐکے لائے ہوئے خالص دین میں فرقے نکال کر اسے پارہ پارہ کر دیا۔۔۔۔۔۔ آپؐ نے تلقین فرمائی تھی ۔۔۔۔کہ پیغامِِ حق لے کر اٹھو اور دنیا پرچھاجائو ۔۔۔۔۔پر ہم ایک دوسرے کو خوارج قراردے کر دا ئرہ اسلام سے ہی خارج کر رہے ہیں۔۔۔۔۔۔۔آپ ؐنے مسلمان کے ہاتھوں مسلمان کے قتل کو کفر اور مسلمان کی زبان سے دوسرے مسلمان کو گالی گلوچ کو فسوق یعنی کھلا اور بھاری گناہ قراردیا تھا۔۔۔۔۔۔۔۔پر ہمارے ہاں بھائی کے ہاتھوں بھائی کا قتل معمولی چیزبن چکی ہے۔۔۔۔۔۔ مخبرصادق صلعم کے عین فرمان کے مطابق جس کاعتاب ہم پرنازل ہوچکاہے ۔۔۔۔۔۔۔اور باطل کے گِدھ اس امت کو ایک بے جان لاشہ سمجھ کر اسے نوچن رہے ہیں۔۔۔۔۔۔اورخونخوار بھیڑیے اسے بھنبھوڑرہے ہیں۔۔۔۔۔اورکفر کی گھٹائیں آفتابِ ہدایت پر چھائی جا رہی ہیں۔۔۔۔اورشرارِ بو لہبی چراغِ مصطفوی ؓ سے ستیزہ کار ہے۔۔۔۔۔آج دنیا میں سب سے زیادہ کمزور ہیں تو آپ ؐ کے یہ نام لیوا۔۔۔۔۔جانیں سب سے سستی ہیں تو آپ کے غلاموں کی۔۔۔۔۔۔خون سب سے زیادہ ارزاں ہے تو خونِ مسلم ہے۔۔۔۔۔۔باطل کاسب سے پسندیدہ مشغلہ مسلمانوں کا شکار ہے۔۔۔۔۔ذلت و نکبت مقدر ہے تو اہلِ اسلام کا۔۔۔۔۔زوال و ادبار قسمت میں لکھے ہیں تومسلمانوں کے۔۔۔۔۔بے بسی اور ضعف کی علامت ہیں تو وہ جو آپؐ سے نسبت رکھتے ہیں۔۔۔۔۔افلاسِ مال، افلاسِ فکر اور افلاسِ عِلم کا شکار ہیں۔۔۔۔۔۔ تو ہم جو دنیا میں عِلم و آگہی کی روشنی پھیلانے آئے تھے۔۔۔۔۔عقل و فراست زنگ آلود ہے تو ہماری ۔۔۔۔۔۔جن کے بارے میں آپ ؐنے فرمایا کہ ’’ ڈرو مومن کی فراست سے کہ وہ اللہ کے نور سے دیکھتا ہے‘‘۔۔۔۔ ۔ آج خدا کی زمین پرتنکے سے بھی ہلکی کوئی مخلوق ہے تو۔۔۔۔۔۔۔۔ یہ ڈیڑھ ارب امت جس کے بارے میں آپؐ نے فرمایا تھا ۔۔۔۔۔۔۔۔کہ’’ تنہا ایک مومن کا وزن ایک جماعت کے برابر ہوتا ہے‘‘۔۔۔۔۔حاکموں اور رعایا کی منزل جدا جدا ہے۔۔۔۔۔۔معیارات الگ ہیں۔۔۔۔۔ حکمران عدل سے رو گرداں اور ظلم شعار ہیں۔۔۔۔۔یہ ظالم حکمران یہودوہنود کوآقا بناچکے ہیں۔۔۔۔۔۔اورپھران ہی آقائوں کے آگے سرنگوں مگراپنی رعایا کے حق میں سخت گیر، بے رحم اور ظالم ہیں۔۔۔۔رعایا کی بدترین حالت پر ان کا دل نہیں پسیجتا ۔۔۔۔۔۔۔نا اہلی،جہل وبے علمی،خود غرضی،حرصِ اقتدار، بد عنوانی، زرپرستی ، خیانت اوربے ضمیری، دین فروشی ان کا طرہِ امتیاز ہے۔۔۔۔۔۔امت کی حالت ناگفتہ بہہ ہے ۔۔۔۔۔۔پریہ شراب خوری اوردوسرے حرام کاموں کے لئے آسمان اول سے باتیں کرنے والے ٹاور’’برج الخلیفہ‘‘بناکرلطف اندوزہورہے ہیں۔
بہرکیف! ربیع الاول کے ماہِ مقدس کی یہ مبارک ساعتیں ہمیں سیرت مبارک ؐپر عمل پیرا ہونے کا پیغام دیتی ہیں۔محض دکھاوے کے لئے برقی قمقموں سے دیواریں روشن کرنے والو۔۔۔۔۔۔۔۔۔ آفتابِ فاران کی کرنوں سے اپنے دلوں کی اجاڑبستیوں کو اجالنے کا اہتمام کرلو۔۔۔۔۔۔۔۔ شہر کی دیواریں روشن ہوں اور دل کا نگر ظلمت گزیدہ وتاریک رہے۔۔۔۔۔۔۔۔ تودچراغاں چہ معنی دارد؟۔۔۔۔۔۔۔ محبوبِ کائنات کی حیات مبارکہ کو خالق کائنات نے اسوہ ٔحسنہ سے تعبیر کیا ہے:۔۔۔۔۔۔۔۔لقد کان لکم فی رسول للہ اسوہ حسنہ۔۔۔۔۔۔۔کلامِ مجید فرقانِ حمید میں تو ربِ کائنات کے اس فرمودے اور فرمان کا مطلب و مقصد یہ بتانا ہے۔۔۔۔۔۔۔۔ کہ سیرتِ طیبہ کا بیاں محض سماعت کیلئے نہیں بلکہ اس کے سامنے اپنی زندگیوں کامتکبرسر نگوں کرکے سراسر اطاعت وپیروی کیلئے ہے۔سیرت طیبہؐ کی اہمیت کا احساس کرتے ہوئے گذشتہ کا احتساب اور آئندہ کا لائحہ عمل تیار کرکے فلاح و صلاح انسانیت کے لئے ایک نئے جوش و جذبے کے ساتھ مشغول ہو جانے کاعزم کرناسیرت طیبہ کاعملی مطالبہ ہے۔ آپ کی سماجی۔۔۔۔ سیاسی۔۔۔۔۔ معاشی۔۔۔۔۔ معاشرتی اور عائلی زندگی ۔۔۔۔کے تابناک گوشوں کوسمجھنے اورپھر بامقصد عملی زندگی اختیارکرنے۔۔۔۔۔۔ آپؐ کی رحم دلی۔۔۔۔۔ احترام انسانیت۔۔۔۔۔ حقوق اللہ و حقوق العباد ۔۔۔۔۔دعوت اسلام۔۔۔۔ سماجی بائیکاٹ۔۔۔۔۔۔ ترک وطن و ہجرت۔۔۔۔۔۔۔ کفارومشرکین اعداء دین کے ظلم و ستم۔۔۔۔۔ عناد و دشمنی پرآپ ؐکے اسوہ حسنہ کے ایک ایک سبق کویاددلانا ۔۔۔۔۔۔۔سیرت طیبہ ؐ کاتقاضاہے ۔ ۔۔۔۔۔۔آپ ؐکی رواداری ومساوات۔۔۔۔۔۔۔ خواتین کے حقوق و احترام۔۔۔۔۔۔۔ بچوں کی تعلیم و تربیت و ذہنی تعمیر۔۔۔۔۔۔۔حق کی پاسداری۔۔۔۔۔۔۔ برائیوں کی بیخ کنی کے کے دلنشین طریقے ۔۔۔۔۔آپسی اخوت اورپڑوسیوں کے حقوق ۔۔۔۔۔۔ان سب کے حوالے سے سیرت طیبہ سے مکمل راہنمائی حاصل کرناربیع الاول کادرس اورسبق ہے ۔
