عظمیٰ نیوز سروس
سرینگر//محکمہ زراعت کشمیر نے کل زونل آفس قمرواری، سب ڈویژن سری نگرمیں کسان میلہ کا انعقاد کیا۔ اس موقع پر ڈائریکٹر زراعت کشمیر چودھری محمد اقبال، جوائنٹ ڈائریکٹر زراعت سرتاج احمد شاہ، کے وی کے سرینگر کے سربراہ پروفیسر ڈاکٹر شمیم حمد سمنانی، زرعی یونیورسٹی کے سینئر سائنسدان ڈاکٹر خورشید احمدبٹ، ڈاکٹر ظہور احمد بابا، چیف ایگریکلچر آفیسر سری نگر منوہر لال شرما اور دیگر بھی موجود تھے۔ ڈائریکٹر زراعت کشمیر نے ضلع سری نگر میں محکمہ کی طرف سے نافذ کی گئی مختلف ترقیاتی سرگرمیوں پر روشنی ڈالی۔ انہوں نے زیادہ منافع کمانے اور اپنی آمدنی میں اضافے کے لیے اعلیٰ معیار کی سبزیاں اور دیگر تجارتی قیمت والی سبزیاں متعارف کروا کر زرعی فصلوں کو تجارتی بنانے پر زور دیا۔ انہوں نے افسران سے مخصوص رقبہ کی فصلوں کی کاشت کے لیے کہا اور قیمت میں اضافے اور مصنوعات کی مارکیٹنگ میں اضافے پر زور دیا۔
