دوحہ// قطر کی حکومت نے بائیکاٹ کرنے والے ممالک کی طرف سے پیش کردہ مطالبات پر بالواسطہ جواب دیا ہے۔قطر نے انسداد دہشت گردی قانون میں ترمیم کا اعلان کر دیا غیر ملکی خبر رساں ادارے کے مطابق امیر قطر الشیخ تمیم بن حمد آل ثانی نے ایک شاہی فرمان جاری کیا تھا جس میں ملک میں انسداد دہشت گردی قانون میں ترمیم، دہشت گردوں کی تعریف اور اس سے متعلق دیگر امور میں تبدیلی کا اعلان کیا گیا ہے۔ قانون میں ترامیم کے بعد حکومتی فرمان سرکاری گزٹ میں شایع کیا جائے گا جس کے بعد اس پر عمل درآمد کیا جائے گا۔ دہشت گردی سے متعلق قانون میں ترامیم کے ضمن میں دہشت گردوں کی تعریف، جرائم، مجرمانہ سرگرمیوں، دہشت گردی میں ملوث اداروں کا تعین، دہشت گردی کی فنڈنگ روکنے کے اقدامات، دہشت گردی میں ملوث مقامی افراد اور اداروں کی فہرستوں کی از سرنو تدوین، نئے اداروں اور افراد کو دہشت گردی کی فہرست میں شامل کرنا، ان اقدامات کے نتائج اور متاثرہ فریقوں کو اپنے دفاع میں اپیل کا حق جسیے اقدامات شامل ہوں گے۔
قطر کا انسداد دہشت گردی قانون میں ترمیم کا اعلان
