لاہور/ پاکستان اور سری لنکا کے مابین آج ٹی ٹوئنٹی میچ میں کسی ناگہانی صورتحال سے نمٹنے کیلٗے تیاریاں مکمل کرلی گئیں۔ قذافی اسٹیڈیم میں دیگر مقامات پر 20 ایمبولینس کھڑی کی جائیں گی اور ساتھ ہی 10 موٹر بائیک ایمبولینس بھی اطراف میں موجود ہوں گی۔ اس کے علاوہ آگ بجھانے کیلئے 11 گاڑیاں مختلف مقامات پر کھڑی کی جائیں گی جس کے لیے 20 موبائل ریسکیو پوسٹس بنائی جارہی ہیں جب کہ 20 بیڈز کا عارضی اسپتال ہاکی اسٹیڈیم میں قائم کردیا گیا ہے۔دوسری جانب شائقین میں ’’چاچا کرکٹ‘‘ کے نام سے بیحد مقبول صوفی عبدالجلیل دنیا بھر میں پاکستانی کرکٹرز کے حوصلہ افزائی کیلئے موجود ہوتے ہیں،سری لنکن ٹیم پر حملہ ہوا تو وہ قذافی اسٹیڈیم کی جانب گامزن تھے،انھوں نے کہا کہ سری لنکن ٹیم کی دوبارہ پاکستان آمد بڑی خوشی کی بات ہے، میں مہمان کرکٹرز کو خوش آمدید کہنے کیلئے اتوار کو قذافی اسٹیڈیم میں موجود ہوں گا، جو کچھ ہوا وہ ماضی کا حصہ بن چکا، یہ میچ پاکستان میں انٹرنیشنل کرکٹ کی نئی شروعات ہو گی اور ہم سب اس مقصد کیلئے متحد ہیں۔
قذافی اسٹیڈیم میںآج 9سال بعد پاکستان اور سری لنکاپھر آمنے سامنے
