یو این آئی
ریاض/سوئٹزرلینڈ کے شہر زیورخ میں فٹ بال تنظیم فیڈریشن انٹرنیشنل فٹ بال ایسوسی ایشن (فیفا) کے صدرکی میزبانی میں منعقد ہونے والے اجلاس میں سعودی عرب کو 2034 کے فٹبال ورلڈکپ کی میزبانی کے فرائض سونپ دیئے گئے ۔فٹبال ورلڈکپ 2034 کی میزبانی سعودی عرب کو مل گئی، یہ اعلان زیورخ میں فٹ بال تنظیم کے صدر گیانی انفانٹینو کی میزبانی میں منعقد ہوا۔ڈان نیوز کے مطابق میزبانی کی ریس میں سعودی عرب واحد امیدوار تھا، قطر کے بعد سعودی عرب فٹبال ورلڈکپ کی میزبانی کرنے والا مشرق وسطیٰ کا دوسرا ملک ہوگا۔فیفا نے 2030 اور 2034 کے فٹبال ورلڈکپ میزبان ممالک کا اعلان کیا ہے ، فٹبال ورلڈکپ 2030 کی میزبانی مشترکہ طور پر مراکش، اسپین اور پرتگال کرے گے ۔عرب نیوز کی رپورٹ کے مطابق سعودی بولی کو فیفا کے 200 سے زائد رکن فیڈریشنز کی جانب سے آن لائن اجلاس میں بھرپور پذیرائی ملی، یہ اجلاس آج ( بدھ) کے روز زیورخ میں فٹ بال تنظیم کے صدر گیانی انفانٹینو کی میزبانی میں منعقد ہوا۔فیفا کے اعلان کے مطابق 2030 کے ورلڈ کپ کی 6 ممالک میزبانی کریں گے جس میں اسپین، پرتگال اور مراکش شامل ہوں گے ، ایونٹ مشترکہ طور پر 6 ممالک میں کھیلا جائے گا، ارجنٹائن، پیراگوئے اور یوروگوئے کو 104 میچز میں سے ایک ایک میچ دیا جائے گا۔جنوبی امریکا کی شمولیت 1930 میں یوروگوئے میں منعقد ہونے والے پہلے ورلڈ کپ کی صد سالہ تقریب کی یادگار ہوگی۔ تین ممالک 2026میں اور چھ 2030میں فیفا ورلڈ کپ کی میزبانی کریں گے ۔ اس کے ساتھ ہی سعودی عرب کو سال 2034 کے فیفا ورلڈ کپ کی میزبانی مل گئی ہے ۔فیڈریشن انٹرنیشنل فٹ بال ایسوسی ایشن (فیفا) نے بدھ کے روز 2026، 2030 اور 2034 کے ورلڈ کپ کی میزبانی کا اعلان کیا۔ ایسوسی ایشن نے کہا کہ فیفا ورلڈ کپ کی میزبانی 2026 کے لیے امریکہ کنیڈا اور میکسیکو کریں گے اور 2030 کے لیے اسپین، مراکش، پرتگال، یوراگوئے ، پیراگوئے اور ارجنٹائن۔ ان چھ ممالک میں یوراگوئے واحد ملک ہے جہاں 100 سال بعد ورلڈ کپ کا میچ کھیلا جائے گا۔ اس سے قبل یوراگوئے نے 1930 میں فٹ بال ورلڈ کپ کی میزبانی کی تھی۔فیفا نے 2034 کے ورلڈ کپ ایڈیشن کی میزبانی سعودی عرب کو دی ہے ۔ قطر کے بعد سعودی عرب عالمی کپ کی میزبانی کرنے والا دوسرا خلیجی ملک ہوگا۔2026 فیفا ورلڈ کپ کی میزبانی امریکہ، کینیڈا اور میکسیکو مشترکہ طور پر کریں گے ۔ یہ پہلا موقع ہوگا جب تین ممالک مشترکہ طور پر ورلڈ کپ کا انعقاد کریں گے ۔واضح رہے کہ قطر میں ہونے والے فٹ بال ورلڈ کپ 2022 کے فائنل میں ارجنٹینا نے فرانس کو سنسنی خیز مقابلے کے بعد پنالٹی شوٹ پر شکست دے کر تیسری بار عالمی ٹائٹل اپنے نام کیا تھا۔
