عظمیٰ نیوز سروس
سرینگر//وزیر اعلیٰ عمر عبداللہ نے سنڈے مارکیٹ میں گرینیڈ حملے کی مذمت کی جس میں 11 افراد زخمی ہوئے اور کہا کہ جموں و کشمیر میں دہشت گردانہ حملوں میں اضافے کو روکنے کے لیے سیکورٹی اداروں کو ہر ممکن کوشش کرنی چاہیے۔عبداللہ نے ایکس پر ایک پوسٹ میں کہا، ”گزشتہ چند دنوں سے وادی کے کچھ حصوں میں حملوں اور انکائونٹر کی سرخیوں کا غلبہ رہا ہے۔ سرینگر کے اتوار بازار میں بے گناہ خریداروں پر دستی بم حملے کی آج کی خبر انتہائی پریشان کن ہے۔ عمر عبداللہ نے کہا کہ “معصوم شہریوں کو نشانہ بنانے کا کوئی جواز نہیں ہو سکتا”۔انہوں نے مزید کہا، “سیکورٹی اداروں کو حملوں کے اس تیزی کو جلد از جلد ختم کرنے کے لیے ہر ممکن کوشش کرنی چاہیے تاکہ لوگ بغیر کسی خوف کے اپنی زندگی گزار سکیں”۔
