منیلا // فلپائن میں لوزون جزائرے کے بکول علاقے میں سمندری طوفان ’گونی‘ سے کم از کم 10 افراد ہلاک اور 3 دیگر لاپتہ ہوگئے۔ یہ اطلاع فلپائن کے محکمہ شہری تحفظ کے شعبہ او سی ڈی نے دی ہے۔
او سی ڈی نے بتایا کہ شدید متاثرہ صوبہ البے میں نو افراد کی موت ہوگئی جبکہ ایک شخص کی موت صوبہ کٹانڈواینس میں ہوگئی۔ محکمہ موسمیات کے مطابق’گونی‘ کے 225-310 کلومیٹر فی گھنٹہ کی رفتار سے تیز ہواو¿ں کی وجہ سے طوفان نے اتوار کی صبح 4:50 بجے لوزن جزیرے پر دستک دی۔
او سی ڈی کے مطابق طوفان کے نتیجے میں 3.90 لاکھ سے زائد افراد کو محفوظ مقامات پر منتقل کیا گیا ہے۔ 3.45 لاکھ سے زیادہ افراد سرکاری سہولیات مراکزمیں رہ رہے ہیں۔
طوفان کی وجہ سے بکول کے علاقے میں سیلاب اور لینڈ سلائیڈنگ سے بڑی تباہی ہوئی ہے۔ فلپائن کے 17 میں سے 12 علاقے طوفان سے متاثر ہوئے ہیں۔ ’گونی‘ چند گھنٹوں میں کمزور پڑنے کے بعد لوزون کے مغربی علاقے سے گزرا۔ یہ کوئزون صوبہ اور منیلا سے بھی گزرے گا۔ یہ طوفان منیلا پہنچنے کے وقت کمزورپڑنے کا امکان ہے۔ اس کے بعد یہ بحیرہ جنوبی چین کا رخ کرے گا۔
’گونی‘ اس سال فلپائن کو دستک دینے والا 18 واں طوفان ہے۔
قابل ذکر ہے کہ فلپائن میں ہر سال جون سے دسمبر تک کئی سمندری طوفان آتے ہیں اور سینکڑوں ہلاکتوں اور اربوں ڈالر کے املاک کو نقصان پہنچاتے ہیں۔
