عظمیٰ نیوز سروس
سرینگر//ملک گیر سول ڈیفنس مشق ’آپریشن شیلڈ ‘کے ایک حصے کے طور پر، جموں و کشمیر کے اہم اضلاع میں بھی ہفتہ کو فرضی مشقیں کی گئیں۔حکام نے کہا، “جموں و کشمیر میں موک ڈرل، ‘آپریشن شیلڈ’ کا حصہ ہے، جس میں ممکنہ حملوں کے ہنگامی ردعمل کا تجربہ کیا گیا۔ اس میں فضائی حملے کے سائرن، بلیک آئوٹ، انخلا کی مشقیں، اور سول انتظامیہ، پولیس، ایس ڈی آر ایف، اور فائر سروسز کے درمیان ہم آہنگی شامل تھی۔”انہوں نے کہا کہ یہ مشق بیک وقت سرینگر، بارہمولہ، اننت ناگ اور کولگام اضلاع میں کی گئی اور جموں ڈویژن میں یہ مشقیں پونچھ، راجوری، ڈوڈہ اور کٹھوعہ میں کی گئیں۔یہ مشق، فائر سروسز، سول ڈیفنس اینڈ ہوم گارڈز کے ڈائریکٹوریٹ جنرل کے تحت وزارت داخلہ کے ایک بڑے اقدام کا حصہ ہے، جس میں سول، پولیس، ملٹری، ایمرجنسی ایجنسیوں کے درمیان ہم آہنگی کو جانچنے کے لیے رات 8 بجے نقلی ڈرون حملے، فضائی حملے، بڑے پیمانے پر ہلاکتوں کا انخلا، اور بلیک آئوٹ ڈرل شامل تھی۔سرینگر شہر میں، اس مشق کا انعقاد ڈپٹی کمشنر کے دفتر امر نواس کمپلیکس میں کیا گیا، جہاں فضائی خطرات سے نمٹنے کے لیے ایک فرضی انخلا، ریسکیو آپریشن، اور ہنگامی رابطہ کاری سیٹ اپ کا انعقاد کیا گیا ۔متعدد محکموں بشمول ڈسٹرکٹ ڈیزاسٹر مینجمنٹ اتھارٹی، سول ڈیفنس، ایس ڈی آر ایف، ہیلتھ سروسز، اور مقامی نوجوانوں کے گروپوں نے مشق میں بڑھ چڑھ کر حصہ لیا۔اننت ناگ اور کولگام میں سول ڈیفنس اور پولیس اہلکاروں نے شہری انخلا، میڈیکل ٹرائیجنگ اور مواصلاتی مشقیں کیں۔ بارہمولہ میں، اس منظر نامے میں ڈرون حملے کے بعد کی طبی ٹیموں کے ساتھ فرضی ہلاکتوں کا جواب دینے اور فضائی اور زمینی بچا کو مربوط کرنا شامل تھا۔جموں ڈویژن میں بھی مشقوں میں اسی طرح کی شدت دیکھی گئی۔ پونچھ اور راجوری، لائن آف کنٹرول کے قریب، سرحدی تنصیبات پر دشمن کے ڈرون حملے، جس کے بعد سول ملٹری کی جانب سے شہریوں کو متعین امدادی پناہ گاہوں میں منتقل کیا گیا۔ڈوڈہ اور کٹھوعہ میں، طبی ٹیموں نے فرضی ایمرجنسی سرجری کی اور بڑے پیمانے پر ہلاکتوں کے واقعات کے لیے تیاری کا مظاہرہ کرنے کے لیے ٹرائیج زون بنائے۔ نیز، مستقبل کے ممکنہ انتباہات سے عوام کو واقف کرنے کے لیے تمام اضلاع میں ہنگامی الارم کا تجربہ کیا گیا۔آپریشن شیلڈ کو سرحدی ریاستوں میں نافذ کیا گیا۔
