عظمیٰ نیوز سروس
نئی دہلی// مرکزی وزیر داخلہ امیت شاہ نے جمعرات کو کہا کہ نریندر مودی حکومت غیر قانونی امیگریشن کے تئیں اپنی صفر رواداری کے نقطہ نظر کو جاری رکھے گی اور بھارت کو اس لعنت سے بچانے کے لئے پرعزم ہے۔ شاہ نے کہا کہ وزیر اعظم مودی کے “ایک محفوظ بھارت کے وژن” کی پیروی کرتے ہوئے، قومی تحقیقاتی ایجنسی نے انسانی اسمگلنگ کے پانچ بین الاقوامی ماڈیولز کا پردہ فاش کیا ہے۔انہوں نے کہا کہ آپریشن، بیک وقت دس ریاستوں میں کیا گیا، جس کے نتیجے میں 44 افرادگرفتار ہوئے۔شاہ نے ‘X’ پر لکھا”ٹیم NIA کو مبارکباد،مودی حکومت غیر قانونی امیگریشن کے خلاف اپنی صفر رواداری کے ساتھ جاری رکھے گی اور قوم کو اس لعنت سے بچانے کے لیے پرعزم ہے‘‘۔
یہ چھاپے آٹھ ریاستوں اور دو مرکز کے زیر انتظام علاقوں میں 55 مقامات پر بارڈر سیکورٹی فورس اور ریاستی پولیس دستوں کے ساتھ مل کر کئے گئے تاکہ ہندوستان-بنگلہ دیش سرحد کے پار غیر قانونی تارکین وطن کی دراندازی اور آبادکاری میں ملوث انسانی اسمگلنگ سپورٹ نیٹ ورکس کو ختم کیا جا سکے۔یہ تلاشیاں تریپورہ، آسام، مغربی بنگال، کرناٹک، تمل ناڈو، تلنگانہ، ہریانہ، راجستھان اور مرکز کے زیر انتظام علاقوں جموں و کشمیر اور پڈوچیری میں کی گئیں، جس سے انسانی اسمگلنگ کے نیٹ ورکس کو بڑا دھچکا لگا۔گرفتار کیے گئے 44 کارندوں میں سے 21 تریپورہ میں، اس کے بعد کرناٹک میں 10، آسام میں پانچ، مغربی بنگال میں تین، تمل ناڈو میں دو، اور پڈوچیری، تلنگانہ اور ہریانہ میں ایک ایک کا تعلق ہے۔
