جموں//پاکستان نے 3سال بعد سرحد عبور کر کے پاکستان کے زیر انتظام علاقہ میں چلے جانے والے ریاستی پولیس کے ایک اہلکار کو آج واپس کر دیا۔ بی ایس ایف کے ایک ترجمان نے کشمیر عظمیٰ کو بتایا کہ یہ رہائی جموں بی ایس ایف کی پاکستان رینجرز کے ساتھ مسلسل گفت و شنید کے نتیجہ میں عمل میں آئی ہے ، جمعرات کو پاکستان کی سرحدی فوج نے امرتسر کے واہگہ بارڈر پر اس اہلکار کو بی ایس ایف کے سپرد کر دیا ۔ بتایا جا تا ہے کہ جموں کشمیر میں بطور کانسٹبل تعینات سوہن لال ولد گھارو رام ساکن نئی بستی، آر ایس پورہ ضلع جموں 2014میں چند کسانوں کے ہمراہ غیر ارادی طور پر سرحد عبور کر کے پاکستان کے زیر انتظام علاقہ میں چلا گیا تھا۔ اب تین سال بعد پاکستان رینجرز نے سوہن لال کو گھر واپس بھیج دیا ہے ۔
غیر ارادی طور سرحد عبور کرنے والا
