عظمیٰ نیوز سروس
غزہ//اسرائیلی فوج کے بدھ کو غزہ میں بمباری سے مزید 17فلسطینی جاں بحق ہوگئے۔غیر ملکی میڈیا کے مطابق اسرائیلی فوج نے بدھ کی صبح غزہ پر تازہ حملے کیے۔اسرائیلی میڈیا کا کہنا ہے فوج جنوبی رفح سمیت غزہ میں اپنی زمینی کارروائیوں کو بڑھا رہی ہے۔گزشتہ روز بھی غزہ کی وزارت صحت نے 24گھنٹوں میں 41فلسطینیوں کی ہلاکت کی تصدیق کرتے ہوئے بتایا تھا کہ غزہ میں 18مارچ سے دوبارہ شروع ہونے والے اسرائیلی حملوں میں لقمہ اجل بنے فلسطینیوں کی تعداد ایک ہزار سے تجاوز کرگئی ہے۔
