کیاجانے کیسے جال بچھاجاتی ہیں نظریں
جب جب بھی میرے پاس کبھی آتی ہیں نظریں
ہوجاتی ہیں نشتر کی طرح جذب وہ اس میں
کیاکیا نہ ستِم دِل پہ میرے ڈھاتی ہیں نظریں
میں کہنا بھی چاہوں تو کبھی کہہ نہیں سکتا
اب کیسے کہوں کِتنا رُلا جاتی ہیں نظریں
یہ جان وجگرکرتاہوں میں اُن پہ نچھاور
انکارنہیں مجھ کوکبھی بھاتی ہیں نظریں
ہم زندگی میں شام وسحرساتھ رہے ہیں
افسانے کئی یاددِلا جاتی ہیں نظریں
پھرنیند نہیں آتی کسِی طور بھی مُجھ کو
راتوں کومجھے ایسے جگاجاتی ہیں نظریں
میں پھربھی ہتاشؔ اِس کی شکایت نہیں کرتا
میرے لیے بے چینیاں بھی لاتی ہیںنظریں
پیارے ہتاشؔ
جموں،رابطہ نمبر:8493853607
غُبارِ راہ بنکر آسماں بن
جہاں کیا چیز ہے تو لا مکاں بن
ہے غیرت کا اِشارہ ہر بشر کو
تو سب سے پہلے اپنا امتحاں بن
محبت نام ہے خُوئے وفا کا
کسی کا بھی نہ تو نا مہرباں بن
صبا بنکر جگا مردہ دلوں کو
زباں جنکی نہیں اُنکی زباں بن
ہر اِک گوشے میں پہنچے نور تیرا
ستارہ بن شریکِ کہکشاں بن
تمہاری رہبری کا فیض پھیلے
مثالِ خضر عمرِ جاوداں بن
مثالِ شمع جل خاموش رہ کر
پگھل ہادیؔ مگر سوزِ نہاں بن
حیدر علی ہادیؔ
زیارت بتہ مالنہ سرینگر
موبائل نمبر؛8803032970
میرا نہیں رہا تُو، میں تیرا نہیں رہا
ایفائے وعدہ کو کوئی وعدہ نہیں رہا
اشکوں سے کیسے درد کو ظاہر کرینگے ہم
آنکھوں میں اب تو ایک بھی قطرہ نہیں رہا
پہلے تو ہوتا تھا مرا چرچا گلی گلی
شاید یہ شہرِ غیر ہے چرچا نہیں رہا
ارمان پورے ہو کے بھی جذبات رہ گئے
کشتی ہوئی نصیب تو دریا نہیں رہا
اک بار میرے چاکِ گریباں پہ کر نظر
تیرا تو در کنار میں اپنا نہیں رہا
اب مت پکار اُس کو دلِ بے قرار تو
کر لے مرا یقین وہ تیرا نہیں رہا
کیاجا نے کیو ں انہیں بھی کھٹکنے لگا ہوں میں
کیوں اُن کے گھر میں میرا بسیرا نہیں رہا
ان کی نگاہِ ناز کا یہ بھی ہے ایک رنگ
جیسامیں پہلے رہتا تھا ویسا نہیں رہا
بشیر ـمہتابؔ
رام بن ، موبائل نمبر؛9596955023
تیرے در کے سوا کدھر جائیں
ہم کبھی بھی نہ اب بکھر جائیں
اب ادھر جائیں یا ادھر جائیں
بول اے راہی ہم کدھر جائیں
صورت ایسی بنا لوں جس سے وہ
دیکھتے دیکھتے سنور جائیں
جس نے بخشی ہے زندگی ہم کو
کیوں نہ ہم لوگ اس سے ڈر جائیں
میر کی شاعری نے پاگل کیا
کیسے اب زخم دل کے بھر جائیں
پھرتا ہوں بچپنے سے گلیوں میں
دل میں کچھ خاص ہی اتر جائیں
بس تو کرتا ہے یہ دعا بسملؔ
کاش طیبہ کو جائیں، مر جائیں
سید بسمل مرتضٰی
پیر محلہ شانگس اننت ناگ
طالب علم :ڈگری کالج اترسو شانگس
موبائل نمبر؛9596411285
گلشنِ زیست میں وہ سکوں ہے کہاں
یار کے بھی پیار میں وہ جنوں ہے کہاں
بٹ گیا ہے وجود آدمی کا دیکھ لے
دوڑتا اب رگوں میں وہ خوں ہے کہاں
حال وہ پوچھتے بھی اگر ہیں میرا
اُن کے لہجے میں وہ اندروں ہے کہاں
جس کو ارماں کبھی جاگتے تھے دیکھ کر
اب بہاروں میں ایسا سکوں ہے کہاں
اب سکینہؔ کی باتیں سُنے کون یاں
اس زمانے میں خیر القروں ہے کہاں
سکینہؔ اختر
