عظمیٰ نیوز سروس
سرینگر//خوشگوار موسم اور عید الفطرکی آمدکے پیش نظر سرینگر کے ’سنڈے مارکیٹ ‘میںکل لوگوںکی بڑی تعداد نے جم کر خریداری کی ۔ مارکیٹ میں خواتین اور بچوں کا بھاری رش دیکھنے کو ملا۔ جنہوںنے ملبوسات اور دیگر اشیائے خوردنی کی خریداری کی ۔اتوار کی اصبح سے ہی سنڈے مارکیٹ میں تاجروں نے اپنی چھاپڑیاں لگانا شروع کیںاورٹورسٹ سنٹرسے لیکر پولو ویو اور ریگل چوک سے لال چوک تک اورہری سنگھ ہائی اسٹریٹ ،امیرا کدل کے ساتھ ساتھ بٹہ مالومیں ہزاروں کی تعداد میں چھاپڑی فروشوں نے مال سجایا جس میں ملبوسات، کمبل،جوتے،کھلونے ،کراکری اور دیگر سازوسامان تھا ۔سنڈے مارکیٹ میں خواتین نے کئی طرح کے چیزوں کی جم کر خریداری کی جن میں زیادہ تر ملبوسات شامل ہیں ۔ سنڈے مارکیٹ میں ہزاروں کی تعداد میں تاجر اپنی چھاپڑیاں لگاکر ان پر مال سجاتے ہیں جن میں کراکری، ہوزری، جرابے، جوتے ، سٹیشنری، کتابیں ، پنٹ ، شیٹ، بیڈ شیٹ، مختلف اقسام کی کمبلیں ، الیٹرانک سامان ، جن میں موبائل وغیرہ بھی شامل ہوتا ہے جبکہ اچھی کمپنیوں کے ساتھ ساتھ ادنا کمپنیوں کا مال بھی خریداروں کی خدمت میں رکھا جاتا ہے ۔ سنڈے مارکیٹ وادی کاایک وہ واحدمارکیٹ ہیں جہاں پر اس تعدادمیں لوگ خریداری کرتے ہیں اور خریداری کی غرض سے ہی لوگ یہاں آتے ہیں ۔ سنڈے مارکیٹ سے جڑے کئی افراد نے کہا کہ عید کی آمد کے پیش نظر آج مارکیٹ میں کافی بھیڑ تھی اور انہوں نے آج اچھا منافع کمایا ۔انہوں نے بتایا کہ اس مارکیٹ کی وجہ سے ہی ان کے اہل و عیال کا پیٹ پلتا ہے کیوں کہ ہفتے کے چھ دن وہ سنڈے مارکیٹ کیلئے مال تیار رکھتے ہیں اور اس روز یہاں فروخت کرتے ہیں ۔ سنڈے مارکیٹ کی وجہ سے ہزاروں لوگوں کو روزگار ملتا ہے جن میں چھاپڑی فروشوں کے علاوہ ، مسافر گاڑیوں ، آٹو ڈرائیوروں ، لوڈ کیریر والوں اور دیگر لوگ بھی سنڈے مارکیٹ کی وجہ سے اچھا خاصہ کاروبار کرتے ہیں ۔
