عظمیٰ نیوز سروس
سرینگر//لیفٹیننٹ گورنر منوج سنہا نے ’’ عوام کی آواز‘‘ پروگرام کے 31 ویں قسط کو جموں کشمیریوٹی کی تبدیلی لانے والی خواتین کو وقف کیا۔لیفٹیننٹ گورنر نے نوراتری کے موقعہ پر مُبارک باد پیش کرتے ہوئے خواتین کو بااِختیار بنانے اور صنفی مساوات کے تئیں حکومت جموںوکشمیر کے عزم کا اعادہ کیا۔اُنہوںنے کہا کہ دیوی دُرگا خواتین کو بااِختیار بنانے کی علامت ہے ۔ اُنہوںنے کہا کہ نوراتری کا تہوار ہمیں ناری شکتی کی فلاح وبہبود اور ترقی کے لئے کام کرنے اور صنفی مساوی معاشرہ بنانے کی ترغیب دے۔لیفٹیننٹ گورنر نے اِس مہینے کے پروگرام میں خواتین کاروباریوں کے متاثر کن داستانوں کا اشتراک کیا اور اُنہوںنے خواتین کی کاروباری صلاحیتوں کے لئے ایک سازگار ماحول پیدا کرنے اور ان کی صلاحیتوں کو بروئے کار لانے کے لئے اِنتظامیہ کی کوششوں پر روشنی ڈالی۔اُنہوںنے کہا کہ سری نگر کی ایک کاروباری شخصیت اور’’کارپٹس‘ ‘انٹرپرائز کی مالک رابعہ رسول یقین، عزم، لگن اور بے مثال حوصلے کی علامت ہیں۔ لیفٹیننٹ گورنر نے کہا کہ وہ روایتی اردبیل طرز کے قالینوں کو بھی بحال کر رہی ہے جو دوسرے نوجوان کاروباریوں کو حوصلہ افزائی کرے گی۔لیفٹیننٹ گورنر نے جموں و کشمیر کے منفرد ثقافتی اور فنکارانہ ورثے کو مضبوط کرنیکی کوششوں کی سراہنا کی۔اُنہوں نے کہا کہ وہ تمام خواتین کے لئے تحریک اور ترغیب کا ایک بہت بڑا ذریعہ ہیں۔لیفٹیننٹ گورنر نے کہا کہ’’ حوصلہ‘‘ پروگرام جموںوکشمیر یوٹی اِنتظامیہ کے کلیدی اقدامات میں سے ایک ہے جو خواتین کاروباریوں کو آگے بڑھنے اور بہتر بنانے میں مدد فراہم کر رہا ہے۔اُنہوں نے کہا کہ اس سے ظریفہ حمید، شیوانی شرما اور سنیوک تا بھگت جیسی بہت سی خواتین کو اِی۔ کامرس مارکیٹ سیکھنے اور اَپنے کاروباری خیالات کو آگے بڑھانے میں مددملی۔اُنہوں نے کہا کہ اختراعی خیالات سے وہ کاروبار اور آپریٹنگ ماڈلوں کی نئی تعریف کر رہی ہے۔اُنہوں نے مزید کہا کہ آر ایس پورہ سے تعلق رکھنے والی سنیوک تا بھگت نے اپنی ہمت سے ملبوسات کے شعبے میں اپنا مقام حاصل کرنے کے لئے بہت سے چیلنجوں پر قابو پالیا۔لیفٹیننٹ گورنر نے اودھمپور کے بلاک گھورڈی سے خوشی کلسٹر فیڈریشن کا خصوصی تذکرہ کیا جو اِی۔ کامرس پلیٹ فارموںپر پائن ہینڈی کرافٹ کے آغاز سے عالمی سطح پر جانے کا منصوبہ بنا رہی ہے۔ اُنہوں نے زینت مشتاق کی جموں و کشمیر کے کاروباری ماحولیاتی نظام میں اہم کردار اَدا کرنے پر تعریف کی ۔ زینت مشتاق کا مقصد اَب قومی اور بین الاقوامی نمائشوں میں حصہ لینے کا اِرادہ رکھتی ہیں تاکہ مارکیٹنگ کا تجربہ اور کاروباری اقدار جو اس نے حاصل کی ہیں اسے اگلی نسل تک پہنچایا جا سکے۔لیفٹیننٹ گورنر نے سری نگر کے شیخ محمد سلیم، سانبہ سے سنکرشن اور بڈگام کے مشتاق احمد لون سے کوآپریٹیو سوسائیٹیوں کو فروغ دینے، کوآپریٹیو کنزیومر فیڈریشن اور پرائمری ایگری کلچر کریڈٹ سوسائیٹیوں کی کارکردگی اور سوچھ ابھیان کو جن ابھیان بنانے کے بارے میں قیمتی تجاویز پیش کیں۔لیفٹیننٹ گورنر نے شہریوں پر زور دیا کہ وہ فیسٹول سیزن میں مقامی مصنوعات خریدیں اور سیلف ہیلپ گروپس، کمہاروں، چھوٹے صنعت کاروں اور فروخت کنندگان کی مدد کریں۔
۔ 73کروڑ کے منصوبوں کا اِفتتاح /سنگ بنیاد | زمین الاٹمنٹ اور فلاحی سکیموں کے آرڈر سونپے
عظمیٰ نیوز سروس
بانڈی پورہ//لیفٹیننٹ گورنر منوج سنہا نے بانڈی پورہ میں زائد اَز73 کروڑ روپے کے مختلف بنیادی ڈھانچے کے پروجیکٹوں کا اِفتتاح کیا اور سنگ بنیاد رکھا۔لیفٹیننٹ گورنر نے کہا کہ شہریوں کے لئے وقف بجلی ، سڑک اور پلوں اور پانی کی فراہمی کی سکیموں سے متعلق پروجیکٹوں سے دور دراز علاقوں میں زیادہ مسابقتی ماحول پیدا ہوگاجس سے سماج کے پسماندہ طبقوں ، کاشت کار کنبوں کے بڑے طبقے کو فائدہ پہنچے گا اور لوگوں کی صلاحیتوں میں بہتری آئے گی۔اُنہوں نے اَفسروں کو ہدایت دی کہ وہ ضلع میں جاری ترقیاتی کاموں کو مقررہ مدت میں مکمل کرنے کو یقینی بنائیں۔لیفٹیننٹ گورنر نے منی سیکرٹریٹ میں پی ایم اے وائی ۔ جی کے بے زمین استفادہ کنندگان کو زمین الاٹمنٹ آرڈر اور مختلف فلاحی سکیموں کے تحت منظوری نامے سونپے ۔ اُنہوں نے مختلف سرکاری محکموں کی جانب سے لگائے گئے سٹالوں کا بھی دورہ کیا۔لیفٹیننٹ گورنر نے 68.28 کروڑ روپے کے پروجیکٹوں کا افتتاح کیا جن میں بانڈی پورہ گرڈ سے رازدان ٹاپ تک 33کے وی بانڈی پورہ۔گریز لائن، شاہ گنڈ میں 6.3ایم وِی اے 33/11کے وِی ریسونگ سٹیشن، سڑک ایم آر ایل 44۔ٹی 01 کلومیٹر 60 کلومیٹر طویل کنزلون باگٹور، ایل 047۔ازمرگ سے جلندورہ اور پرانا تلیل سے وادیٔ گریز میں ڈانگی تھل تک، روڈ ایم آر ایل 03۔ این ایچ ڈبلیو سے شیربُگ تک، ایم ایس گاشری محلہ نائدکھائی میں 3 کمروں والی ڈبل منزلہ عمارت، ستنی نالے کے اوپر پرانا تلیل پر گرڈر برج 1×30 پر پھیلا ہوا ہے، گریز کے مقام پر اچورا بائی پاس روڈ پر 1×40 میٹر سپین پل، پٹوشے ڈگری کالج، کنن بابا گنڈ اور آشم زونی پورہ میں پانی کی فراہمی کی سکیمیں شامل ہیں۔لیفٹیننٹ گورنر نے گلشن چوک بانڈی پورہ میں پانچ کروڑ روپے کی لاگت سے تعمیر ہونے والی کثیرالسطح کار پارکنگ کا سنگ بنیاد رکھا۔اُنہوں نے مختلف اشاعتیں بھی جاری کیں جن میں ضلع بانڈی پورہ کی کافی ٹیبل بک، وولر شیپ ڈیریز اور محکمہ انیمل ہسبنڈری بانڈی پورہ کی سالانہ رپورٹ2022-23ء شامل ہیں۔
