Facebook Twitter Youtube
  • تازہ ترین
  • کشمیر
  • جموں
  • شہر نامہ
  • برصغیر
  • بین الاقوامی
  • سپورٹس
  • صنعت، تجارت
  • کالم
    • مضامین
    • گوشہ خواتین
    • خصوصی انٹرویو
    • جمعہ ایڈیشن
    • تعلیم و ثقافت
    • طب تحقیق اور سائنس
  • ملٹی میڈیا
    • ویڈیو
    • پوڈکاسٹ
    • تصویر کہانی
  • اداریہ
  • ادب نامہ
    • نظم
    • غرلیات
    • افسانے
  • تازہ ترین
  • کشمیر
  • جموں
  • شہر نامہ
  • برصغیر
  • بین الاقوامی
  • سپورٹس
  • صنعت، تجارت
  • کالم
    • مضامین
    • گوشہ خواتین
    • خصوصی انٹرویو
    • جمعہ ایڈیشن
    • تعلیم و ثقافت
    • طب تحقیق اور سائنس
  • ملٹی میڈیا
    • ویڈیو
    • پوڈکاسٹ
    • تصویر کہانی
  • اداریہ
  • ادب نامہ
    • نظم
    • غرلیات
    • افسانے
Kashmir Uzma
  • تازہ ترین
  • کشمیر
  • جموں
  • شہر نامہ
  • برصغیر
  • بین الاقوامی
  • سپورٹس
  • صنعت، تجارت
  • کالم
    • مضامین
    • گوشہ خواتین
    • خصوصی انٹرویو
    • جمعہ ایڈیشن
    • تعلیم و ثقافت
    • طب تحقیق اور سائنس
  • ملٹی میڈیا
    • ویڈیو
    • پوڈکاسٹ
    • تصویر کہانی
  • اداریہ
  • ادب نامہ
    • نظم
    • غرلیات
    • افسانے

Kashmir Uzma

Latest Kashmir News | Kashmir Urdu News | Politics, India, International, Opinion

Font ResizerAa
Search
Follow US
اداریہ

عوامی مقامات پر سگریٹ نوشی صرف جرمانے کرنا ہی حل نہیں ہے

Mir Ajaz
Last updated: October 7, 2023 12:47 am
Mir Ajaz
Share
7 Min Read
SHARE

ناظم صحت کشمیر نے جمعرات کو ایک تقریب سے خطاب کرتے ہوئے کہا کہ رواں سال کے دوران عوامی مقامات پر سگریٹ نوشی کی پابندی کی خلاف ورزی کرنے والوں سے ڈیڑھ لاکھ روپے کا جرمانہ حاصل کیا گیا ہے ۔قابل ذکر ہے کہ صوبائی انتظامیہ کشمیر نے اپریل کے اوائل میںعوامی مقامات پر سگریٹ نوشی پر مکمل پابندی عائد کرنے کا اعلان کیاتھا اور خلاف ورزی کی صورت میںجرمانہ عائد کرنے کا انتباہ دیا تھا ۔حکومت کی جانب سے عوامی مقامات پر سگریٹ یا تمبا کوشی پر پابندی پہلی دفعہ عائد نہیں کی گئی تھی بلکہ جموں وکشمیر میں کئی برس قبل عوامی مقامات پر سگریٹ یا تمباکوشی ممنوع قرار دی گئی تھی اور اس کیلئے باضابطہ سزا و جزا کا طریقہ متعین کیاگیا تھا ۔اسی طرح تعلیمی اداروں کے ارد گرد بھی سگریٹ یا تمباکومصنوعات کی خرید و فروخت پر پابندی پہلے سے عائد ہے تاہم اس پر عمل نہیں ہورہا تھا ۔اب جبکہ ان پابندیوں کا دوبارہ سے اعادہ کیاگیا تھا تو امید بندھ گئی تھی کہ شاید اب پابندی زمینی سطح پر نافذ کی جائے گی لیکن ایسا پھر نہ ہوسکا اور کئی ماہ گزر جانے کے باوجود سگریٹ نوشی بلاروک ٹوک جاری ہے۔بھلے ہی ناظم صحت جرمانوں کی بات کریں لیکن کشمیر میں آج بھی عوامی مقامات پر تمباکو و سگریٹ نوشی جاری ہے ۔جموںوکشمیر خاص کر کشمیر میں جس طرح سگریٹ نوشی عام ہے ،وہ واقعی پریشان کن ہے اور اب جس طرح منشیات کا استعمال ایک اور بحران کی صورت میں ابھر کر سامنے آیا ہے ،اُس نے ذی حس طبقوں کی نیندیں اچٹ دی ہیں ۔

سگریٹ یا تمبا کونوشی کے نتیجہ میں کشمیر میں سرطان کے معاملات سامنے آنے کے جو اعداد وشمار ہر سال ظاہر کئے جاتے ہیں ،وہ ہوشربا ء ہیں اور یقینی طور پر فوری اور ٹھوس اقدامات کرنے کی دعوت دیتے ہیں لیکن سوال پیدا ہوتا ہے کہ کیا محض عوامی مقامات پر تمباکو یا سگریٹ نوشی ممنوع قرار دینے سے ہی مسئلہ حل ہوجائے گا؟۔نہیں ،ایسا بالکل بھی نہیں ہے اور نہ ہی اس طرح کے اعلانات سے زمینی سطح پر کچھ بدلتا ہے بلکہ اس کیلئے معاشرے کے رویہ میں ہی تبدیلی لانا ضروری ہے ۔آپ کتنا ہی سزائیں کیوں نہ دیں جب تک معاشرہ از خود تبدیلی کیلئے تیار نہیں ہوگا ،تبدیلی نہیں آئے گی۔ایسے میں لازمی ہے کہ ہم معاشرے کو تبدیلی کیلئے تیار کریں ۔اب سوال پیدا ہوتا ہے کہ معاشرہ تبدیلی کیلئے کیسے تیار ہوگا؟۔ یہ بھی ناممکن نہیں ہے بلکہ عین ممکن ہے ۔ہم سب جانتے ہیں کہ ماضی میں کشمیر میں عوامی مقامات بشمول مسافر گاڑیوں ،ہوٹلوں و ریستورانوں ،یہاں تک کہ تعلیمی اداروں میں بھی سگریٹ نوشی کو ناجائز نہیں سمجھا جاتا تھا لیکن پھر جب پابندی کے اعلان کے ساتھ ایک وسیع آگاہی مہم چلائی گئی اور عوام کو بیدار کرنے اور ان میں ایک مثبت تبدیلی لانے کیلئے اخلاقی قدروںکا سہارا لیاگیا تو کچھ وقت بعد ہی ہم نے پھر دیکھا کہ عوامی مقامات پر سگریٹ نوشی قصہ پارینہ بن گئی اور لوگ بھی عوامی مقامات پر سگریٹ یا تمباکونوشی کو ناجائز سمجھ کر خود ہی اس بری عادت سے باز آگئے ۔آج بھی ایسی ہی ایک مہم چلانے کی ضرورت ہے ۔سگریٹ نوشی یا تمبا کوشی کی شرحوںکو کم کرنا اور عوامی مقامات پر اس کو بالکل ختم کرنا بالکل ممکن ہے لیکن شرط یہ ہے کہ ہم صرف زبانی جمع خرچ سے کام نہ لیں اور ایسی باتوں کو اعلانات تک محدود کرنے کی بجائے عملی طور بھی کام کریں ۔اس کیلئے ہمیں جہاں سماج کے سبھی طبقوںکو اس مہم میں شامل کرنا پڑے گا وہیں مذہبی پیشوائوں اور ڈاکٹروں و ماہرین تعلیم اور قانون نافذ کرنے والے اداروںکا اس میں کلیدی رول بنتا ہے ۔اگر ائمہ اور علماء تہیہ کرلیں کہ ہمیں اس ضمن میں سماج میں مثبت تبدیلی لانی ہے تو یہ عمل اور بھی آسان ہوجائے گا کیونکہ جب مقامی سطح پر بات ہر ایک فرد تک انفرادی طور پہنچ جائے گی تو بات سمجھنے اوراس پر عمل کرنے میں آسانی پیدا ہوگی ۔مشاہدے میں آیا ہے کہ ائمہ اور علماء کی باتوںکا اثر ہوتا ہے او ر اگر مذہبی پیشوا ٹھان لیں کہ انہوںنے عوام کو اس برائی سے نجات دلانی ہے تو تبدلی آنے میں دیر نہیںلگے گی ۔اسی طرح ڈاکٹر حضرات اور ماہرین تعلیم و نفسیات اگر مثبت انداز میں بیداری عمل شروع کریں اور عوام کو پیار و محبت سے اس برائی کے مضر اثرات اور اس کو ترک کرنے کے مثبت اثرات سے آگاہ کریں تو تبدیلی تیزی سے وقوع پذیر ہوجائے گی اور لوگ بہت جلد تبدیلی کے مسافر بن جائیں گے۔اسی طرح قانون نافذکرنے والے ادارے اگر ذرا پیار اور دبائو سے کا م لیں تو بات بن سکتی ہے ۔ایسے اداروں کو جہاں ایک ہاتھ میںلاٹھی رکھنی ہے تو دوسرے ہاتھ میں پھول بھی رکھنا پڑے گا تاکہ دونوںکے امتزاج سے ایک ایسا رویہ ابھر کر آئے جس میں خوف اور محبت ،دونوںعناصر شامل ہوں تاکہ جہاں خوف کی ضرورت ہو تو خوف پیدا ہو اور جہا ں محبت درکار ہو تووہ وہاں محبت کے شگوفے پھوٹ پڑیں ۔اس طرح بدلائو نہ صرف یقینی بنے گا بلکہ فوری بھی ہوگا۔اس عمل میں عوام کا اشتراک لازمی ہے اور عوام کو بھی سماج کے ذمہ دار شہری ہونے کا ثبوت فراہم کرتے ہوئے سگریٹ و تمبا کوشی کااستعمال ختم کرنے میں اپنا رول ادا کرنا ہوگا ۔جب سبھی متعلقین مل کر کام کریں گے تو نہ صرف عوامی مقامات پر یہ ناسور ختم ہوگا بلکہ ہم اس معاشرے سے ہی اس ناسور کو ختم کرسکتے ہیں۔
۔۔۔۔۔۔۔۔۔۔۔۔۔۔۔

Share This Article
Facebook Twitter Whatsapp Whatsapp Copy Link Print
ہم نے پاکستان میں 9 دہشت گرد ٹھکانوں کو نشانہ بنایا، کوئی نشانہ ضائع نہیں گیا:اجیت ڈوول
برصغیر
خواتین کی خود مختاری کے تئیں مادر مہربان کا رول قابل سراہنا ہے:سکینہ یتو
تازہ ترین
کشمیر میں اگلے دو روز کے دوران موسم گرم و مرطوب رہنے کا امکان
تازہ ترین
کپواڑہ کے گاؤں میں آلودہ پانی پینے سے 200 سے زائد افراد بیمار
تازہ ترین

Related

اداریہ

زرعی اراضی کا سکڑائوخطرے کی گھنٹی !

July 10, 2025
اداریہ

! ہماراقلم اور ہماری زبان

July 9, 2025
اداریہ

کشمیر میں ایمز کی تکمیل کب ہوگی؟

July 9, 2025
اداریہ

تعلیم ضروری ،سکول کھولنے کا خیرمقدم | بچوں کی سلامتی پر سمجھوتہ بھی تاہم قبول نہیں

July 8, 2025

ملک و جہان کی خبروں سے رہیں اپڈیٹ

نیوز لیڑ ای میل پر پائیں

پالیسی

  • ڈیٹا پالیسی
  • پرائیویسی پالیسی
  • استعمال کرنے کی شرائط
  • ڈیٹا پالیسی
  • پرائیویسی پالیسی
  • استعمال کرنے کی شرائط

سیکشن.

  • اداریہ
  • برصغیر
  • بین الاقوامی
  • تعلیم و ثقافت
  • اداریہ
  • برصغیر
  • بین الاقوامی
  • تعلیم و ثقافت

مزید جانیں

  • ہمارے بارے میں
  • رابطہ
  • فیڈ بیک
  • اشتہارات
  • ہمارے بارے میں
  • رابطہ
  • فیڈ بیک
  • اشتہارات
Facebook

Facebook

Twitter

Twitter

Youtube

YouTube

Instagram

Instagram

روزنامہ کشمیر عظمیٰ کی  ویب سائٹ  خبروں اور حالات حاضرہ کے حوالے سے جموں وکشمیر کی  اردو زبان کی سب سے بڑی نیوز ویب سائٹ ہے۔ .. مزید جانیں

© GK Communications Pvt. Ltd.. All Rights Reserved.
Welcome Back!

Sign in to your account

Username or Email Address
Password

Lost your password?