عمر عبداللہ بڈگام حلقہ سے مستعفی

سرینگر// نیشنل کانفرنس نائب صدر عمر عبداللہ نے گاندربل اسمبلی سیٹ برقرار رکھی اور بڈگام اسمبلی حلقہ سے استعفیٰ دے دیا ۔یہ اعلان جموں و کشمیر اسمبلی میں حلف برداری کی تقریب کے دوران پروٹیم سپیکر مبارک گل نے کیا۔عمر عبداللہ کا بڈگام سے مستعفی ہونے کا فیصلہ حال ہی میں جموں و کشمیر اسمبلی انتخابات میں دونوں حلقوں میں کامیابی کے بعد آیا ہے۔یہ اعلان حلف برداری کی تقریب کے دوران کارروائی کے ایک حصے کے طور پر کیا گیا، جہاں 90 نو منتخب ایم ایل ایز نے حلف لیا۔مبارک گل نے اراکین اسمبلی کی حلف برداری کی تقریب کی صدارت کی۔ ایم ایل ایز نے آئین کو برقرار رکھنے اور خطے کے امن، استحکام اور ترقی کے لیے کام کرنے کے عزم کا اظہار کرتے ہوئے جموں و کشمیر کے لوگوں کی خدمت کرنے کا عہد کیا۔