عمران خان پہلے غیر ملکی دورے پر آج سعودی عرب روانہ ہوں گے

 اسلام آباد//وزیراعظم عمران خان کل پہلے سرکاری دورے پر سعودی عرب روانہ ہوں گے۔اطلاعات کے مطابق وزیراعظم عمران خان کل پہلے سرکاری دورے پر سعودی عرب روانہ ہوں گے، عمران خان سعودی عرب میں قیادت سے ملاقاتیں اور اجلاس میں شرکت کریں گے جب کہ سعودی قیادت سے ملاقاتوں میں باہمی دلچسبی کے امور اور خطے کی سلامتی سمیت باہمی دلچسپی کے امور پر بات چیت ہوگی۔وزیر اعظم کے دورہ سعودی عرب سے متعلق وزیر خارجہ شاہ محمود قریشی کا کہنا ہے کہ وزیراعظم عمران خان  سعودی حکومت کی خصوصی دعوت پر دورہ کررہے ہیں۔دوسری جانب ذرائع کا کہنا ہے کہ وزیراعظم عمران خان سعودی عرب کے دورے میں عمرہ بھی ادا کریں گے اور روضہ رسول اللہ ؐ پر حاضری بھی دیں گے۔