یو این آئی
ممبئی//عالمی بازار میں تیزی کے باوجود مقامی سطح پر اونچی قیمتوں پر منافع وصولی کے دباؤ کی وجہ سے شیئر بازار آج نئی چوٹی سے پھسل گیا۔بی ایس ای کا 30 شیئروں کا حساس انڈیکس سینسیکس 210.45 پوائنٹس گر کر 79,032.73 پوائنٹس پر آگیا۔ اسی طرح نیشنل اسٹاک ایکسچینج (این ایس ای) کا نفٹی 33.90 پوائنٹس پھسل کر 24,010.60 پوائنٹس پر بند ہوا۔ تاہم، بڑی کمپنیوں کے برعکس بی ایس ای کی درمیانی اور چھوٹی کمپنیوں میں خریداری ہوئی جس سے 0.41 فیصد چھلانگ لگا کر 46,158.35 پوائنٹس اور اسمال کیپ 0.56 فیصد چھلانگ لگا کر 52,130.41 پوائنٹس پر پہنچ گیا۔اس عرصے کے دوران بی ایس ای میں مجموعی طور پر 4012 کمپنیوں کے حصص میں کاروبار ہوا جن میں سے 1725 میں گراوٹ، 2180 میں تیزی جبکہ 107 میں کوئی تبدیلی نہیں ہوئی۔
اسی طرح نفٹی کی 24 کمپنیوں میں فروخت ہوئی جبکہ 26 میں خریداری ہوئی۔بی ایس ای کے نو گروپوں میں گراوٹ کا دباؤ رہا۔ جس کی وجہ سے فنانشل سروسز 0.52، انڈسٹریز 0.26، ٹیلی کام 0.65، آٹو 0.04، بینکنگ 1.04، کیپٹل گڈز 0.42، پاور 0.07، ٹیک 0.42 اور سروسز گروپ کے حصص میں 0.03 فیصد کمی ہوئی۔بین الاقوامی سطح پر تیزی کا رجحان رہا۔ اس عرصے کے دوران برطانیہ کے ایف ٹی ایس ای میں 0.55، جرمنی کے ڈی اے ایکس میں 0.65، جاپان کے نکیئی میں 0.61، ہانگ کانگ کے ہینگ سینگ میں 0.01 اور چین کے شنگھائی کمپوزٹ میں 0.73 فیصد اضافہ ہوا۔
