عظمیٰ نیوزسروس
جموں//جموں و کشمیر یو ٹی نے خواتین کے عالمی دن کا جشن منایا ۔لیفٹیننٹ گورنر منوج سنہا نے پدم شری پدم سچدیوگورنمنٹ کالج ویمن گاندھی نگر کے اشتراک سے بدھ آرٹ اینڈ پینٹنگ کے زیر اہتمام ’سشکت ناری سمّان ‘ایونٹ میں شمولیت اختیار کی ۔ اپنے خطاب میںلیفٹیننٹ گورنر نے خواتین کے بین الاقوامی دن کے موقع پر ناری شکتی کو اپنے دل سے مبارکباد پیش کی ۔لیفٹیننٹ گورنر نے کہا کہ انسانیت کے مستقبل کی تشکیل پر ناری شکتی کے اثرات بہت زیادہ ہیں اور وہ تخلیقی صلاحیتوں کی پرورش اور معاشرتی تبدیلی کو آگے بڑھانے کیلئے ایک اہم کردار ادا کر سکتی ہیں ۔لیفٹیننٹ گورنر نے جے اینڈ کے کی خواتین فنکاروں اور کاریگروں کی نمایاں کامیابیوں کی تعریف کی اور جموں کشمیر اور نیشنل بلڈنگ میں ان کی شراکت پر ان کا شکریہ ادا کیا ۔ انہوں نے کہا خواتین فنکار اور کاریگر پائیدار ترقی کی معمار ہیں اور ایک بہترین تخلیق کار بننے کیلئے ہمیں شفقت سے بھر پور ہونے کی ضرورت ہے اور یہی چیز خواتین فنکاروں کو منفرد بناتی ہے ۔لیفٹیننٹ گورنر نے کہا کہ عصری فن اور دستکاری کے میدان میں خواتین فنکاروں اور کاریگروں کی زیادہ سے زیادہ شرکت نے اس شعبے کو تقویت بخشی ہے اور ہمارے ثقافتی اخلاقیات کے تانے بانے کو تقویت بخشی ہے ۔لیفٹیننٹ گورنر نے خواتین کو سماجی و معاشی طور پر بااختیار بنانے اور ان کی حقیقی صلاحیتوں کو نکھارنے کیلئے انہیں ایک ساز گار ماحول فراہم کرنے کے عزم کا اعادہ کیا ۔ انہوں نے کہا وزیر اعظم نریندر مودی کی رہنمائی میں خواتین کو بااختیار بنانا اب ایک بڑے پیمانے پر تحریک بن چکی ہے ۔لیفٹیننٹ گورنر نے کہا کہ آج ہماری ناری شکتی اپنی کامیابی کی کہانیاں لکھ رہی ہیں اور جموں و کشمیر کے ترقیاتی سفر میں سرگرم شراکت دار بن چکی ہیں ۔ انہوں نے فنکاروں ، کاریگروں ، این جی اوز ، اساتذہ ، کاروباری افراد اور مختلف سٹیک ہولڈرز سے کہا کہ وہ خواتین کو بااختیار بنانے کیلئے اجتماعی طور پر کام کریں اور اس بات کو یقینی بنائیں کہ ناری شکتی کیلئے سرکاری سکیموں کے فوائد ہر ایک خواتین تک پہنچائے جائیں ۔ اس موقع پر لیفٹیننٹ گورنر نے کامیابی حاصل کرنے والی خواتین اور طلباء کو انعامات سے نوازا ۔ انہوں نے خواتین فنکاروں اور کاریگروں کے ذریعہ لگائے گئے اسٹالوں کا بھی دورہ کیا ۔
جموںوکشمیر ریذیڈنٹ کمیشن نے ’خواتین کا عالمی دِن‘ منایا
عظمیٰ نیوزسروس
نئی دہلی//جموںوکشمیر ریذیڈنٹ کمیشن نے ’’ہیلو جے اینڈ کے‘‘ اَقدام کے تحت ’عالمی یومِ خواتین‘ کوبڑے جوش و خروش کے ساتھ منایا۔اِس تقریب کا موضوع ’’ایکسلریٹ ایکشن‘‘ تھا جس میں صنفی مساوات کو آگے بڑھانے اور خواتین کو بااِختیار بنانے کے عزم کو اُجاگر کیا گیا۔اِس موقعہ پرپرنسپل ریذیڈنٹ کمشنر ڈاکٹر ریشمی سنگھ نے کمیشن کے دفتر اور ڈائریکٹوریٹ میں کام کرنے والی خواتین ملازمین کی خدمات اور عزم کو سراہاجن میں سے کئی خواتین نے بذریعہ ورچیول موڈ تقریب میں شرکت کی۔ اُنہوں نے زِندگی کے تمام شعبوں میں خواتین کی حمایت کے لئے حکومت کے عزم کا اعادہ کیا۔تقریب میں ممتاز مقررین شامل تھے جن میں پروفیسر ایجوکیشن پالیسی نیپا ڈاکٹر منیشا پریَم اور اسسٹنٹ پروفیسر، دہلی یونیورسٹی ڈاکٹر آدِتی پاسوان شامل تھیں۔اُنہوں نے خواتین کی قومی، نسلی، لسانی، ثقافتی اور معاشی شعبوں میں خدمات اور کامیابیوں کو خراج تحسین پیش کیا اور معاشرتی، اقتصادی اور پیشہ ورانہ شعبوں میں صنفی مساوات کے لئے اِجتماعی عزم کی اہمیت پر زور دیا۔اس موقعہ پر ڈاکٹر ورتیکا نندا، جو ایک جیل اصلاحاتی ماہر اور ایل ایس آرنئی دہلی میں فیکلٹی ممبر ہیں، بھی موجود تھیں۔ اُنہوں نے خواتین قیدیوں کے ساتھ اپنے تجربات پر مبنی متاثر کن داستانوں کا اِشتراک کیا اور ان کی جدوجہد اور ہمت کو اُجاگر کیا۔تقریب کو کامیاب بنانے میں اے آر سی انیل شرما ، منیجر، 5 پی آرسچن اور نوڈل آفیسر، ہیلو جے اینڈ کے شروتی بھردواج کا اہم کردار رہا۔اختتامی کلمات کنسلٹنٹ ڈاکٹر ریکھا جاد نے ادا کئے۔اُنہوں نے ان خواتین کو خراج تحسین پیش کیا جنہوں نے مشکلات کا سامنا کرتے ہوئے ترقی کی راہ میں حائل رکاوٹوں کودور کیا۔
