یو این آئی
نئی دہلی//ویتنام کے وزیر اعظم فام منہ چن نے ریو برکس سربراہ اجلاس کے موقع پر وزیر اعظم نریندر مودی کے ساتھ اپنی ملاقات کے دوران ہندوستان کو اس کی حالیہ کامیابیوں اور عالمی سطح پر، خاص طور پر برکس بلاک کے اندر بڑھتے ہوئے کردار پر مبارکباد دی۔وزیر اعظم مودی نے ویتنام کے وزیر اعظم چن کو ہندوستان کا قریبی دوست قرار دیا۔ایکس پر ایک پوسٹ میں وزیر اعظم مودی نے کہا’’برازیل میں برکس سربراہ اجلاس کے موقع پر ویتنام کے وزیر اعظم فام منہ چن کے ساتھ اچھی بات چیت ہوئی‘‘۔وزیر اعظم مودی اور ویتنام کے وزیر اعظم نے برازیل کے شہر ریو ڈی جنیرو میں 17 ویں برکس سربراہ اجلاس کے موقع پر ملاقات کی۔ہندوستان اس سال برکس کی صدارت سنبھالنے کے لیے تیار ہے۔اس سال ویتنام کو برکس کا شراکت دار ملک بنایا گیا۔برکس گروپ گیارہ ممالک پر مشتمل ہے۔ اس میں پانچ اصل اراکین-برازیل، چین، بھارت، روس اور جنوبی افریقہ ہیں اور چھ ممالک -مصر، ایتھوپیا، انڈونیشیا، ایران، سعودی عرب اور متحدہ عرب امارات 2024-25 میں شامل ہوئے ہیں۔یہ عالمی جنوب کے ممالک کے لیے اور انتہائی متنوع شعبوں میں ہم آہنگی کے لیے ایک سیاسی اور سفارتی ہم آہنگی کے فورم کے طور پر کام کرتا ہے۔
