عاصف بٹ
کشتواڑ// میونسپل کمیٹی کشتواڑ کے عارضی ملازمین کی کام چھوڑ ہڑتال مسلسل جاری رہی جسکے سبب قصبہ بھر میں گندگی کے ڈھیر جمع ہیں اور اب بیماریوں کے پھیلنے کا خطرہ لاحق ہوگیا ہے۔گزشتہ 16روز سے میونسپلٹی کے عارضی ملازمین دفترمیں اپنی مانگوں کو لیکر احتجاج کررہے ہیں۔احتجاجی ملازمین نے بتایا کہ جب تک سرکار و انتظامیہ انکے مطالبات کو حل نہیں کرےگی تب تک احتجاج بدستورجاری رہے گا۔ملازمین نے بتایا کہ محکمہ میں گزشتہ چار دہائیوںسے ملازمین عارضی طور کام کررہے ہیں جبکہ انکے مطالبات کو پورا کرنے کے بجائے انہیں بنیادی حقوق سے محروم رکھا جارہا ہے۔انہوںنےکہا’’ہم اپنی زندگیوں کی پرواہ کے بغیر خدمات مسلسل دن رات محنت کرکے انجام دے رہیں لیکن انتظامیہ کو اسکی کوئی پرواہ نہیں اور وہ ہمیں مستقل نہیں کررہی ہے جبکہ یوٹی انتظامیہ نے ہم سےکھوکھلے وعدے کئے‘‘۔۔انکامزید کہناتھا’’ ہم ا علیٰ حکام سے جلد مطالبات پورا کرنے کا مطالبہ کرتے ہیںبصورت دیگر ہم اپنے بچوں کے ساتھ سڑکوں پر آکر احتجاج کرینگے ‘‘۔واضح رہے کہ ملازمین کی ہڑتال کے سبب قصبہ میں جگہ جگہ گندگی کےڈھیر جمع ہوئے ہیںجن سے اب بدبو پھیل رہی ہے اور بیماریاں پھیلنے کا خدشہ لاحق ہوگیا ہے۔مقامی لوگوں نے انتظامیہ سے جلد کوئی قدم اٹھانے کا مطالبہ کیا اور قصبہ میں جمع گندگی کو جلد صاف کرنے کا مطالبہ کیا ۔